USEBENZISE imali ephezulu kweR60 000, ethenga indandatho zakhe lesoka lakhe uZodwa Wabantu, ozicelele umtshado kusinqandamathe sakhe uNtobeko Linda (24).
UZodwa umangaze abantu ngesikhathi eguqa ngedolo ecela umtshado kulelijaha endaweni yobumnandi, Eyadini Lounge, eMlaza, ngeSonto.
Ku-Instagram uZodwa ufake isiliphu esikhombisa imali athenge ngayo indandatho zabo.
Indandatho kaZodwa ibize uR47 826 09, kwathi eyesoka lakhe yabiza uR5 217 39 ingakafakwa iVAT. Le ntokazi ibhale ku-Instagram ukuthi kwezinye izikhathi abantu besifazane banika amadoda imali ukuthi abatshade.
“Abantu besifazane abasebenza kanzima bayakufihla ukuthi bazitshada bona ngokuthi banike amadoda abo imali yokukhokha amalobolo emdenini abazalwa kuyo. Benza konke lokhu ngenxa yokuthi bafuna ukubonakala lendandatho emunweni,” kutsho uZodwa.
Uqhube wathi akwenzayo yinto eyenzakala nsuku zonke kuleli, wukuthi yena uphumele obala njengoba engathandi ukufihla izinto.
“Sizoshada mina naye. Abantu kumele bafunde ukuphila impilo yabo ngendlela abathanda ngayo,” kuchaza uZodwa.
Isolezwe lizame kanengi ukuxhumana loZodwa ngaloludaba kodwa ucingo lwakhe belukhala lungabanjwa.
Isoka lakhe, uNtobeko, libhale ku-Instagram ukuthi lijabule ngemva kokuthi uZodwa elicele ukuba limtshade.
“Sijabule kakhulu. Ngiyamthanda nami uZuzu,” kubhala uNtobeko.
Abantu bakuleli bazibongele lezi zithandani ngokuthatha igxathu elitsha empilweni yazo.
— Ubulembu