Ethel Ncube
KULENDODA yeMulindi eBinga etholakale izibophele ngeviki ephelileyo kulandela ukuba isolelwe ukuthakatha enye imuli kwasokuthiwa ihlawule inkomo ezingu-18.
Umuyi uAnderson Mudenda wathokala ezibophele eduze komuzi wakhe ngemva kokuzama ukuyabhadala inkomo eyodwa ukuze kukhulunyiswane lemuli yakoMuleya eyayimethesa icala lokuyiloya. Umuyi wazama ukuthi kukhulunyiswane inkomo zehliswe kwehlula wacina esiyazihilela.
Intatheli ikhulumisane lenduna uDobola obike ukuba kulusizi ngempela ukuba indaba le icine ngokulahleka komphefumulo.
“Imuli yakoGiven Muleya yahamba komunye uMadzibaba isiyadinga usizo ngoba ithi kuhlala kufiwa njalo kugulwa emulini batshelwa ukuba olesandla kikho nguAnderson Muleya loRichard Nkomo okwadala ukuba abakoMuleya bathi bafuna inkomo ezingu-18 zokuxolisa.
Umfanekiso uthethwe ku Shutterstock
“U-Anderson wabika ukuba uzakhipha inkomo eyodwa kodwa wasecela ukuba kukhulunyiswane inani lenkomo lehliswe abakoMuleya bala, okwadala ukuba ayezibophela duze komuzi wakhe,” kubika induna uDobola.
Uqhubekele phambili eveza ukuba inkomo lezi kwathiwa bezibhadale bebabili.
‘’Inkomo lezi bazihlawuliswa beloRichard Nkomo yena kakakhuphi lutho kodwa ngelanga lemfa wabuya enathile ethi yena kakhiphi ngitsho eyodwa inkomo uzaxolisa ngomlomo kuphela. Abantu bacina bethi kungcono bamhambise emzini wakhe wakhetha ukuphelekezelwa ngumnewabo kamazibophela. Uthe ngelanga elilandelayo uRichard bamthola esehlezi phezu kwengcwaba likaAnderson ekhala. Inkomo zenhlawulo azikakhitshwa,” kuphetha induna uDobola.
