uMthunywa
UMLINGISI osanda kudlula emhlabeni uBusi Lurayi utshone eseqalile ukulingisa emdlalweni weSouth Africa iScandal.
Lintokazi kwakuhlelwe ukuthi iqale ukubonakala emdlalweni mhlaka-2 Mpandula ilingisa indawo kaMe’Shell. AbeScandal bakhiphe isitatimende esiqinisekisa lokhu.
“UBusi watshona mhlaka 10-Ntulikazi engakaqedi umsebenzi wakhe wokulingisa iziqephu zakhe lapho elingisa khona indawo kaMe’Shell ongumngani kaLayla Mckenzie wakudala,” kutsho abeScandal ngesitatimende.
Isitatimende siqhubeke saveza ukuthi umlingisi ongumngani kaBusi, uThuli Thabethe usukumele phezulu ngokuthi uzolekelela ukuqedela umsebenzi kaBusi emdlalweni. UThuli uzaqala ukubonakala ngasekupheleni kukaMpandula eqhubeka ngomsebenzi kaBusi.-Isolezwe
