Uzathenga umuzi eKenya onqobe iComrades Marathon

13 Jun, 2024 - 00:06 0 Views
Uzathenga umuzi eKenya onqobe iComrades Marathon

uMthunywa

UZATHENGA umuzi eKenya, uPiet Wiersma (26) oweNetherlands oyintshantshu yeComrades Marathon, umango obusuka eThekwini uphelela eHollywoodbets Scottville Racecourse, eMgungundlovu.

Umgijimi lo, ogijimela iNedbank Running Club, utshaye intambo ngesikhathi se-5:25.00 emjahweni obulibanga eliyi-85,9km. Kwale kancane ukuthi ephule irekhodi likaLeonid Shvetsov oweRussia elesikhathi se-5:24.39 asenza ngo-2008. Kuzakhumbuleka ukuthi ngomnyaka odluleyo, uWiersma waqeda ekwesibili nge-5:14.01.

Uzakhala amuke lesamba se-R825 000. Kukhonye iNedbank kwabane abakuqala kulaba abacine benze iTop 10.

Endaweni yesibili kungene uDan Moselakwe (5:25.45), kweyesithathu kwaba nguDegefa Yohannese Lafebo owe-Ethiopia (5:27.48). Uphume kwesine uJoseph Manyedi (5:28:33) ojima loMoselakwe loTete Dijana.

UDijana owabayintshantshu ngo-2022 lanyakenye akalibonanga elidlalayo, ulale kunombolo yesi-14 (5:42.50). Ngemuva kokunqoba, uWiersma ubebukeka engakhathalanga. Ubehamba ebingelela aphinde axhawule abantu ababembongela. Utshele intathelizindaba ukuthi umjaho lo awubanga lukhuni njengoba ebecabanga.

Uveze ukuthi uhlale isikhathi esingamaviki ayisithupha eKenya eziqeqetsha. IKenya yilizwe elizakhele ibizo emhlabeni ngokulolonga abagijimi abenza kahle kumabanga amade. Uthe ukujimela khona kwenze walithanda leliya lizwe. Uthe ngemali ayitholileyo uzathenga umuzi khona lase-Italy.

“Ngibonga kakhulu kumngane wami ebengihlala emzini wakhe eKenya. Sesizabonana njalo ngoba ngemali engiyitholileyo kuComrades ngizathenga umuzi khona. Ngingumuntu othanda ukuthenga umhlaba lemizi. Ngihlela lokuthenga umhlaba lase-Italy. Ngibonga kakhulu lakubazali bami ngokuhlale bengisekela ngayo yonke indlela. Ngibonga kakhulu lakuNick Bester ohlale enginika amaqhinga okunqoba lumjaho,” kutsho uWiersma.

Ngaphambi komjaho ubeveze ukuthi bekulokhu kuyisilonda kuye ukuthi wasala ngemizuzwana emithathu kuDijana nyakenye. Ubuye wathi ukunqoba iComrades kuzafeza iphupho lakhe lokuthi angene agxile kwezokugijima njengoba ebesamutsha kulumdlalo.

Echaza ngembangela yokuhluleka ukwephula irekhodi, uveze ukuthi: “Ngesikhathi ngibona ukuthi ayangixaka ngizitshele ukuthi ngingabe ngisajaha ukulephula ngoba ngizalimala kakhulu. Ngizitshele ukuthi angigxile ekufuneni ukunqoba kuphela. Ngeke ngiphele amandla, langomnyaka ozayo ngizabuya ngizozama ukulephula.”

Omunye ababehamba phambili kuTwo Oceans Marathon, u-Onalenna Khonkhobe okhathale kusephansi, waphuma. UJobo Khatoane weLesotho laye ukhathale endleleni ngemuva kokusuka ngejubane.

Ngemuva kwalokho uWiersema ubesondela labehambisana labo, amane wabaqathaza sekunyukwa eLittle Polly Shortts. Bekucaca ukuthi ulamandla nxa kwenyukwa. Zithe sezingena emqansweni wokucina ePolly Shortts waphinde wanwantela ngaphandle kwenkinga, wazihola njalo waze wayangena eScottsville.

“Lakuba kuke kwaba lezindawo ezinzima ezifana laseNchanga kodwa angibuzwanga ubunzima kulo umjaho. Bengingazi ukuthi kumele ngenzeni ngasikhathi leso. Ngisuke eThekwini ngaze ngawuqeda umjaho ngingazange ngiphelelwe ngumoya. Ngisizwe yikuthi ngiwaqeqetshele kahle amagquma,” kusho uWiersma.

 

Bami kanje abalitshumi bakuqala kwabesilisa: Piet Wiersma (5:25.00); Dan Moselakwe (5:25.45); Degefa Lafebo (5:27.48); Joseph Manyedi (5:28.33); Andrew Davies (5:30.46); Bongumusa Mthembu (5:34.45); Elov Olsson (5:35.24); Teboho Sello (5:36.11); Alex Milne (5:36.51) oGivemore Madzinganyama (5:37.09).

-Isolezwe

 

 

 

 

 

Share This:

Sponsored Links

Survey


We value your opinion! Take a moment to complete our survey

This will close in 20 seconds