Uzangcwatsha eLupane obejayivela iqembu le-rhumba

Langelihle Moyo

UBULAWAYO uzavala uNhlangula ngomcimbi we-Moji Festival lapho okuzabe kulomcintiswano weTshwala Bami Dance Challenge, ngoLwesihlanu mhlaka 28 kuyonale inyanga emagcekeni e-Zimbabwe International Trade Fair (ZITF).

Elandisela intatheli umculi wodumo wakoBulawayo uMzoe 7, uthe emcimbini lo kuzabe kungabizwa ozwayo, ngoba phela kuzabe kulabahlabeleli kunye labo DJ abatshisayo.

“Ukutshelwa yikuncitshwa ngoba kuzakube kufiwa kulabahlabeleli lamaDJs athandwa ngabantu. Laba bagoqela u-DJ Nospar, Nduge yut, Tocky Vibes, Silent Killer labanye abanengi.”

Uthe emcimbini lo kuzabe kulomcintiswano womgido wengoma uTshwala Bami, njalo abanikazi bengoma le bayabe bekhona.

“Kuzabe kungabizwa ozwayo, sizabona ukudla kwamehlo kulabo abalesipho sokujayiva, sokuncintiswana kumgido we-Tshwala Bami Dance Challenge. Ngakho-ke indaba ezimnandi yikuthi abahlabela ingoma le bazabe bekhona, njalo ozagida abulale i-challenge le uzathola umklomelo we-US$500,” kuphetha uMzoe 7.