IZAME ukubhubhisa umdeni wayo ngetshefu, yanatha amaphilisi, izama ukuzibulala intombazane (18) yeMayendeni, eMtshezi, eSouth Africa ngoba ihlose “ukubhodla” ngenxa yokudlwengulwa ngabesilisa abangu-5 betshintshana ngayo.
Intatheli ithole ukuthi lintombazane — esingeke siyidalule lesibongo somdeni wayo, ngenhloso yokuyivikela — yenza lokhu nje, yadlwengulwa ngoNtulikazi, ngemva kwalokho abadlwenguli bayesabisa ngokuthi bazayibulala lomdeni wayo.
Leli phephandaba lixoxe loyise walintombazane (esiligodlileyo igama), othe baqale ukuqaphela indlela ebisiziphethe ngayo ukuthi kukhona okungalunganga. Ubesithi nxa ebuzwa ukuthi kwenzenjani, ahle aqhunse isililo.
“Ithumbu libhoboke emasontweni amathathu edluleyo umkami epheka.
“Ukudla bekuzwakala ukuthi kulento engalunganga ethelwe kikho futhi kungadleki,” utsho njalo.
Uthi kuthe kungakapheli isikhathi esingakanani, wayabheka indodakazi yakhe endlini ebilele kuyo, wayifica ikhihliza amagwebu.
“Siyiphuthumise esibhedlela, bafika bathola ukuthi idlwenguliwe (ngabafana basendaweni esibaziyo),” utsho njalo.
“Ngelanga eyadlwengulwa ngalo, ngangikhona, ngilele kwenye indlu. Sithole ukuthi linto isilesikhatshana yenzakala.
“Indodakazi yami ibisagcine ngitsho lekepisi yomunye wabasolwa. Kungiphathe kabi kakhulu ukuthi ingane yami ibhekane lobunzima obungaka, yesaba ukusitshela,” kutsho uyise walintombazana.
Uthe bayasola ukuthi indodakazi yakhe ibibafakele itshefu ngoba ibona ukuthi vele bazabulawa uma yona isitshonile ngoba yayibhale incwadi ichaza ngokuthatha isinqumo sokuzibulala.
Uthe ihlale isonto esibhedlela, yabuya yalala kanye ngekhaya yasibaleka, yatshiya incwadi ebenza babe lokwesaba ngoba kabazi noma ibiyozibulala yini njengoba sekuphele amasonto amabili inyamalele.
Okhulumela amaphoyisa KwaZulu-Natal, uConst Thenjiswa Ngcobo, uthe kuvulwe icala lokudlwengula, akukabotshwa muntu, amapholisa asaphenya.-Ilanga
