Uncategorized

Uzadilikelwa lijele obedlwengula izingane ezingabafana

30 Mar, 2023 - 00:03 0 Views
Uzadilikelwa lijele obedlwengula izingane ezingabafana

uMthunywa

UGIXABEZWE ngodilikajele abane owesilisa obedlwengula izingane zabafana ezine okubalwa kuzo lomfowabo. Inkantolo yesifunda eMgungundlovu igwebe lo wesilisa ngemva kokuba ezivumele ngokwakhe ukuthi ubenyukubeza ngokocansi izingane eziphakathi kweminyaka emine leyisitshiyagalolunye ubudala. 

Okhulumela iNational Prosecuting Authority (NPA) uNatasha Ramkisson-Kara, lo wesilisa esezikhalela uthe ubephethwe wukhwantalala ngemva kokwehlukana lentombi yakhe. “Ekuqaleni uthi wafikelwa ngumcabango wokuzibulala kodwa wabuye wakhetha ukudlwengula abafana. Uthi ngesikhathi kwenzeka lesi sehlakalo, izingane zazidlala ngaphandle komuzi wakhe, wazibizela egunjini lakhe wazidlwengula ngazinye,” etsho.

Lolu daba luvele ngemva kokuba umfowabo emcebile kuyise ukuthi uyamnukubeza. Uyise ubesethinta abazali bezinye izingane balibangisa e-Edendale Thuthuzela Care Centre (TCC), lapho udaba lwafike lwabikwa khona.

I-NPA ithi izingane zithole ukwelulekwa ngokomqondo, kwengezwa losizo lwezomthetho oluvela eTCC.

Lo mlisa ubotshiwe emva kwalokhu.

“Ugcinwe ezitokisini, lwaseluqhutshwa udaba lwaze lwafika enkantolo okuyilapho efike wavuma khona icala,” kutsho uRamkisson-Kara.

Umtshutshisi uYashania Manickum, utshele inkantolo ukuthi izenzo zalo wesilisa zikuveze ngokusobala ukuthi akakufanele ukuba semphakathini, uyingozi. Ukhiphe isitatimende esibhalwe ngomunye wabafana esizwa ngumsizi wofakazi, uThobekile Babongile Chuene.

Kulesi sitatimende, umfana uthe akaqondi ukuthi kungani lo wesilisa emnyukubezile. Wathi ufisa inkantolo imjezise ukuze angenzi okufanayo kwabanye.

“Ngesikhathi egwetshwa, inkantolo ithe lo wesilisa akakufanele ukuba lesibhamu, yakhipha umyalelo wokuba abekwe ohlwini lwabanukubezi (National Register for Sex Offenders),” kutsho uRamkisson-Kara. I-NPA isitshayele ihlombe lesi sinqumo senkantolo lesigwebo. “Sizoqhubeka ngokulwela ubulungiswa bezisulu zodlame. Sincoma umsebenzi owenziwe ngabatshutshisi leSAPS.”- Ilanga

Share This:

Sponsored Links

Survey


We value your opinion! Take a moment to complete our survey

This will close in 20 seconds