Uyazitshela uAntipas. . . Ayisaqinanga nje iChicken Inn

14 Feb, 2019 - 00:02 0 Views
Uyazitshela uAntipas. . . Ayisaqinanga nje iChicken Inn uJoey Antipas

uMthunywa

Nkosilathi Sibanda

UMQEQETSHI weChicken Inn uJoey Antipas uzayithwala inkezo yeCastle Lager ngoba akula elinye iqembu elilabadlali abalohlonzi njengalabo asebakhethile.

Laye uyazikhulumela ukuthi isizini le ngeyakhe. Lumqeqetshi uthe lonyaka amaqembu amanengi azayifunda ivaliwe.

UAntipas uke wayithwala inkezo yeligi leChicken Inn ngesizini ka2015.

“Wonke umqeqetshi ufuna ukuba yintshantshu. Kulisizini inhloso yethu yikuthwala inkezo,” kutsho lumqeqetshi ekhuluma lephephandaba likazulu eqeda ukulolonga kuliviki.

Okwenza abelesiqiniseko sokuthi uzayithwala inkezo ngabadlali asebathengile ababalisa uBrett Amidu, Valentine Kadonzo abavela kuDynamos. Ubize loPanashe Mutasa obekhuhla ibhentshi kuFC Platinum, uPhakamani Dube, Perfect Chikwende, Sipho Ndlovu, Malvin Gaki, uClive Augusto, unozinti uDonovan Bernard loTichaona Chipunza.

Sebengene batshintshana abaqeqetshi kulithimu  kodwa kusehlula ukuthi bayithathe inkezo yeligi okuveza ukuba uAntipas nguye yedwa oyenelisayo.

UAntipas wazise iphephendaba likazulu ukuba uselungise ithimu wayiphenduphendula ukuthi yesatshwe lonyaka.

“IChicken Inn yiyo ithimu yokubukela kumidlalo eseleyo kulisizini. Sengiyilungise yaphelela.

“Ngilesiqiniseko sokuthi lonyaka sizayithatha inkezo yePSL, labadlali bazimisele kakhulu. Ngilethemba abantu abanengi bakhangele ukuthi kulogu siseduzane lamathimu akhokhelayo. Lonyaka yithi inkunzi njalo lenkezo yePSL ngeyethu,” kutsho Antipas.

Unobhala weChicken Inn uTavengwa Hara uthe kumidlalo eseleyo kuzatsheka amabhulugwe ngeqembu lakhe.

“Utsho kahle umqeqetshi wethu. Siyamsekela nxa esithi uyayifuna inkezo yeligi. Yikho esikudlalelayo. I-PSL yalonyaka izabe imnandi kakhulu ngoba sizabe sihlabela kokuphela size siyeyithatha inkezo yePSL,” kutsho uHara.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds