Uyaziphosa izibhakela lumama

01 Sep, 2022 - 00:09 0 Views
Uyaziphosa izibhakela lumama UMonica Mkandla esesitikini eSouth Africa

uMthunywa

Nkosilathi Sibanda

“Nomusa Ngema ngiyazi ukuthi ujwayele ukubatshaya abanye. Manje mina angeke angitshaye…”
La yiwo amazwi akhulunywe ngumdlali we-boxing wakuleli uMonica Mkandla ngesikhathi engena esitikini loNomusa Ngema eSouth Africa.

Ufike wethusa abantu uMkandla ngesikhathi engena esitikini, esilwa loNgema enkundleni ye-ESPN Africa Boxing 20.
UMkandla, odabuka koBulawayo, ungumdlali we-boxing obengeladumo njalo usacathula kulumdlalo kodwa ngoLwesine ngeviki edluleyo wenze imbali esibatshazwa ngumhlaba wonke. UMkandla ungene esitikini kungela muntu osekela ibizo lakhe, wafika wayiphosa inqindi waze wagenqula usaziwayo kumdlalo lo, kwele-South Africa uNomusa Ngema.

UNgema, ovela KwaMashu, eKwaZulu Natal, ubethenjwe linengi labalandeli be-boxing ukuthi atshaye uMkandla, ikanti bebengabuzanga elangeni. Bobabili badonse izigaba ezine besesitikini. UNgema ubengawunqoba umdlalo ngoba imiklomelo yomdlalo iveza ukuthi bekunzima.

Impi yababili laba ikhiphe impumela ye 38-38, 39-37, 39-37 phakathi kwezigaba ezine. UMkandla uphenduke waba yingcwethi ye-boxing ekuqaleni kwenyanga ngemva kokunqoba kwakhe kumqhudelwano weCharles Manyuchi Academy.

Kungxoxo yakhe lentatheli eseSouth Africa, uMkandla uthe ungene kulumdlalo ehlomile.
“Ngakhuluma phambilini ukuthi ngeke ngivume ukutshaywa nguNomusa Ngema. Ngisemdlalweni lo ukubonisa ukuthi ngiyawazi,” kutsho

uMkandla ngemva kokuphiwa isicoco sakhe.
Kusenjalo, omunye wabadlali be-boxing bakuleli uPatience Mastara odlala kubanga leJunior Featherweight utshaywe nguMatshidiso Mokebisi oweSouth Africa.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds