uMthunywa
SIYAHLANGANA njalo bafundi kule iviki kuzifundo zethu zolimi lwabokhokho bethu.
Ngingakaliphi impendulo zomsebenzi wakuviki ephelileyo ngithe sike silimukisane ngamafitshane ngomkhuhlane osuhlasele njalo wabulala abantu abanengi ngesikhathi esifitshane owe-coronavirus (iCovid-19). Ukuze sizivikele kumkhuhlane lo kasifundeni ukuhlanzeka. Geza izandla ngamanzi alesepa zikhathi zonke, ungabambi amehlo, amakhala kanye lomlomo. Nxa ukhwehlela, khwehlelela ngaphakathi kwendololwane kumbe uvale nge-tissue uhle uyilahle uqeda kuyisebenzisa.
Nanzi impendulo zemibuzo yakuviki ephelileyo:
1. Yinkali
2. Emdangweni
3. Umqegu
4. Ezibukweni
5. Inkubalo
6. Ingcuba
Chaza ukuthi lokhu kwenziwa ngani: Isibonelo isihluzo senziwa ngentambo zemizi. Lokhu-ke:
1. ihawu
2. ibhetshu
3. icansi
4. umchilo
5. isigxingi
Sizahlangana njalo ngeviki ezayo.
Bafundi thumelani impendulo zenu kunombolo lezi 0773675473 kumbe ku-0778520007 ngeWhatsApp loba ngeSms. Ufake ibizo lesibongo sakho, ukuthi ukuliphi ibanga lokuthi ufunda kusiphi isikolo. Thumela njalo lomfanekiso wakho. Kuphephandaba lakuviki ezayo sizafaka impendulo zakho kanye lezithombe zenu.