uMthunywa
SIYAHLANGANA njalo bafundi kule iviki, ngithemba liqhuba kuhle ezifundweni zenu.
Nanzi impendulo zomsebenzi wakuviki ephelileyo:
1. Yisitsha sokukha amanzi
2. Ngesokuvala into enjengembiza
3. Yisitsha sokuphathela utshwala kumbe amanzi
4. Lizulu lakuqala elina entwasahlobo
5. Yisitsha samanzi
6. Yimbiza encane yomdaka eyisigombolozi
Qamba ibala elilodwa elitsho lokhu:
Isibonelo: Isango elincane elingemva komuzi okungena ikakhulu abangekhaya – yintshukuntshu kumbe intuba. Lapha ke:
1. Umntwana othanda ukukhala kakhulu
……
2. Lapho okwakugiyela khona amabutho …..
3. Inkomo ezingakakhulisisi nxa zizodwa…..
4. Lapha abantu abachapha khona emfuleni …..
5. Umuthi odliwa ngabafelweyo …..
6. Inyama yesifuyo esizifeleyo …..
Sizahlangana njalo ngeviki ezayo.
Bafundi thumelani impendulo zenu kunombolo lezi 0773675473 kumbe ku-0778520007 ngeWhatsApp loba ngeSms. Ufake ibizo lesibongo sakho, ukuthi ukuliphi ibanga lokuthi ufunda kusiphi isikolo. Thumela njalo lomfanekiso wakho. Kuphephandaba lakuviki ezayo sizafaka impendulo zakho kanye lezithombe zenu
