uMthunywa
SIYADIBANA njalo bafundi kule iviki lapho esikhangelane khona lekhefu leKhisimusi kuviki ezayo. Ngilifisela ikhefu lokubambana leUnity Day kanye leleKhisimusi eligcwele injabulo.
Ngizaqala ngokulipha impendulo zomsebenzi engalitshiyela wona kuviki ephelileyo:
1. yimvimbi
2. umchithiso
3. indonsakusa
4. umfasimbi
5. ukuqhuma
6. imbolisamahlanga
Kulamabala osekwande ukuthi asetshenziswe ekwenzeni izinto ezithile kubengathi ngamabala aqondileyo ngenxa yokuthi izenzo ziyabe zilokuhambelana kodwa kungesilo bala eliqondileyo.
Kulemitsho elandelayo khetha isenzo esiqondileyo.
1. UMusa waphule/ udabule ibhetshu lami
2. Abesifazana bathunga/ beluka izitsha
3. UDube ulungisa/ wenza inqola eyonakeleyo
4. UNozinhle wenza/ ulungisa isigqoko ngelembu alithengileyo
5. UGuduza uzingela/ ugola inhlanzi
6. AbaseSilobela baluka/ bathunga amacansi ngemizi
7. Umlizane ufunza/ unathisa umntwana isitshwala
Sizahlangana njalo ngeviki ezayo.
Bafundi thumelani impendulo zenu kunombolo lezi 0773675473 kumbe ku-0778520007 ngeWhatsApp loba ngeSms. Ufake ibizo lesibongo sakho, ukuthi ukuliphi ibanga lokuthi ufunda kusiphi isikolo. Thumela njalo lomfanekiso wakho. Kuphephandaba lakuviki ezayo sizafaka impendulo kanye lezithombe zenu.
