uMthunywa
SIYAHLANGANA njalo bafundi kule iviki yokuqala yokuvalwa kwezikolo, ngithemba lenze kuhle ezifundweni zenu. Abanye benu selilungiselela ukuya emakhaya ukuyancedisa abazali benu, ogogo labokhulu ukulima. Ngithanda ukulixwayisa ukuthi lilalele abazali benu zikhathi zonke lingaze laba yiziqoqodo.
Nanzi impendulo obungaphuma lazo:
a. ngolokubhula amabele
b. ngolokuvika nxa kuliwa ngemikhonto
c. ngesokuhluza utshwala
d. ngelokuphunga impukane
e. ngolokubonda isitshwala
f. ngowokuvala esangweni
g. ngolokuthunga isitsha
Sithi kuyini lokhu:
1. Izulu elina lichophelela ——
2. Umuthi ophiwa izinja ukuze zibe bukhali ekuzingeleni ——
3. Inkanyezi ebika ukudabuka kokusa ——
4. Intuthu ebonakala ebusika isenziwa yikutshisa kwelanga ——
5 Ukuhluma kwezihlahla entwasa ——
6. Izulu elina ebusika ——
Sizahlangana njalo ngeviki ezayo.
Bafundi thumelani impendulo zenu kunombolo lezi 0773675473 kumbe ku-0778520007 ngeWhatsApp loba ngeSms. Ufake ibizo lesibongo sakho, ukuthi ukuliphi ibanga lokuthi ufunda kusiphi isikolo. Thumela njalo lomfanekiso wakho. Kuphephandaba lakuviki ezayo sizafaka impendulo kanye lezithombe zenu.
