uMthunywa
SIYAHLANGANA njalo bafundi kule iviki, ngilethemba lokuba liqhuba kuhle ezifundweni zenu lonke. Lingadinwa ukubala ingwalo zenu yizo eziliphathele ikusasa elihle.
Nanzi impendulo zomsebenzi engalitshiyela wona kuviki ephelileyo:
1. Akwenza ngezandla zakhe kuyabukeka
2. Kalankani
3. Uyancitshana
4. Ulomnyama
5. Uthanda ukunyeya
Kule iviki sizagcwalisa imibuzo elandelayo ngempendulo ozinikiweyo:
Isibonelo: Ohamba ebabayila sithi ulezafesane. Lapha-ke:
1. Nxa iqhude ligula lalisikwe u……..
2. Imbambayila yandise ukudliwa ngu………
3. Umfana lo wenwaya kuze kuse, ule ……….
4. Umntwana lo uyaqaleka abuye avuke ule . . . . .
5. Uyisemkhulu ukhwehlela njalonje engxenye ulo ……..
Sizahlangana njalo ngeviki ezayo.
Bafundi thumelani impendulo zenu kunombolo lezi 0773675473 kumbe ku-0778520007 ngeWhatsApp loba ngeSms. Ufake ibizo lesibongo sakho, ukuthi ukuliphi ibanga lokuthi ufunda kusiphi isikolo. Thumela njalo lomfanekiso wakho. Kuphephandaba lakuviki ezayo sizafaka impendulo kanye lezithombe zenu.