uMthunywa
SIYADIBANA njalo bafundi silokhu sikukhefu lokuvalwa kwezikolo. Ngithe ngike ngilikhumbuze ukuthi ukuvalwa kwezikolo akutsho ukuthi lezingwalo zethu kumele sizivale. Singadlaladlala labangane bethu kumele sibuyele ngekhaya siyefunda izingwalo zethu ukuze senze ngcono esikhathini esizayo.
Nanzi impendulo obungaphuma lazo kumsebenzi wakuviki ephelileyo.
1. yibubende
2. yikubhonsa
3. yibuhlalu
4. yindosakusa
5. ngumfuma
6. yinyanga
Kule iviki bafundi ngizalipha umsebenzi okumele uchaze ukuthi kuyini lokhu.
a. Lapho okulahlelwa khona umlotha
b. Lapho okulahlwa khona abafileyo
c. Lapho okugcinwa khona izibotshwa
d. Lapho okudla khona izifuyo
e. Lapho okuhlutshelwa khona umumbu omanzi emasimini
f. Inkundla lapho okwakugiyela khona amabutho endulo
Sizahlangana njalo ngeviki ezayo.
Bafundi thumelani impendulo zenu kunombolo lezi 0773675473 kumbe ku-0778520007 ngeWhatsApp loba ngeSms. Ufake ibizo lesibongo sakho, ukuthi ukuliphi ibanga lokuthi ufunda kusiphi isikolo. Thumela njalo lomfanekiso wakho. Kuphephandaba lakuviki ezayo sizafaka impendulo kanye lezithombe zenu.
