uMthunywa
NGITHEMBA liqhuba kuhle ezifundweni zenu bafundi. Insuku sezisondele ezokuthi sibhale imihloliso yaphakathi komnyaka. Asibaleni ingwalo zethu ukuze sikhumbule lokhu ababalisi bethu abasifundisa khona kusukela umnyaka uqalisa.
Nanzi impendulo zomsebenzi wakuviki ephelileyo:
1. Amaphuphu
2. Umqobotsho
3. Inkamanzi
4. Umqhina
5. Uqhweba
6. Imfuko
Gcwalisa izaga lezi ezilandelayo
a. Ukhuni ….. aluthezwa
b. ….. ebomvu ibolile
c. Udla esesulela phansi njenge…..
d. Uluma e…. njengegundwane
e. Ungena …….. njengempethu
f. Guga ….. kade wacholela.
Ngilethemba imisebenzi le iyaliphathisa kakhulu. Umuthi wokuphumelela yikubala, ukulalela lokuzimisela. Sizahlangana njalo ngeviki ezayo.
Bafundi thumelani impendulo zenu kunombolo lezi 0773675473 kumbe ku-0778520007 ngeWhatsApp loba ngeSms. Ufake ibizo lesibongo sakho, ukuthi ukuliphi ibanga lokuthi ufunda kusiphi isikolo. Thumela njalo lomfanekiso wakho. Kuphephandaba lakuviki ezayo sizafaka impendulo kanye lezithombe zenu.
