uMthunywa
SIYAQHUBEKA kuliviki bafundi ngezifundo zethu esizithola maviki onke lapho esihlolana khona ukuze sibone ukuba ulimi lwabokhokho bethu lokhu silwazi.
Ngizaqala ngokulipha impendulo zamagama engalitshiyela wona kuviki ephelileyo:
1. Ukukhala uklabalale
2. Ukufa
3. Ukuhlala kuhle ungasweli lutho
4. Ukusutha
5. Ukutholakala ulomlandu
6. Ukuba livila voxo
Akutsho ukuthi kuyini lokhu:
Isibonelo: Ayengamagcobo esintu ayegcotshwa ngabesintwana — Amakha.
Lapha-ke:
1. Ngabantwana benyoni abasanda kuphuma eqandeni.
2. Yinto yokumisa inqola, imota, ingabe ibhasikili — ibhureki.
3. Yindebe yangaphansi eyomlomo wenkomo.
4. Yikudla komkhwenyana akuphiwa kwabozala.
5. Yisigojwana esifakwa emakhaleni eguqa ukuze lehluleke ukumunyela inkonyane.
6. Yintwana yokuphathela igwayi lamakhala.
Ngithemba lizakwenza kuhle kumsebenzi lo engilitshiyele wona.
Sizahlangana njalo kuviki ezayo zihlolana ukuze sibone ukuba siyasazi na isiNtu sethu.
Bafundi thumelani impendulo zenu kunombolo lezi 0773675473 kumbe ku-0778520007 ngeWhatsApp loba ngeSms. Ufake ibizo lesibongo sakho, ukuthi ukuliphi ibanga lokuthi ufunda kusiphi isikolo. Thumela njalo lomfanekiso wakho. Kuphephandaba lakuviki ezayo sizafaka impendulo kanye lezithombe zenu.
