uMthunywa
YiNtatheli kaMthunywa
Umbukiso wezokulima weBulawayo Agricultural Show uqale ngoMvulo kuyonale iviki njalo uqhutshwa kanyekanye lombukiso weZimbabwe International Trade Fair (ZITF) kunyathelo elikhangelelwe ukunika abalimi ithuba lokungena kumkambo yemhlabeni jikelele.
Isikhulu esiphezulu seZimbabwe Agricultural Society uDokotela Andrew Matibiri izolo ugcizelele ukuthi umbukiso lo usuqalile njalo abalimi abanengi bancoma inala abayitshayileyo ngenxa yohlelo lweNtwasa/Pfumvudza, kanye lezulu eline kusigaba sika 2020/21.
Umbukiso wezokulima wakoBulawayo lonyaka uhlose ukuthi abalimi baxhumane lemkambo yakwamanye amazwe. Embukisweni lo, kulemihlobo yonke yezifuyo kanye lezilimo ezivela kubalimi bomphakathi kanye labalimi abalimela ukuthengisa.
Kusenjalo amalungiselelo ombukiso weZimbabwe Agricultural Society wehlandla lesi-111 asekuzinga eliphezulu futhi inhlanganiso le ikhuthaza bonke abazabukisa kunye lozulu ukuthi bahlatshwe ijekiseni yeCovid-19 ukuze benelise ukuphatheka kumbukiso lo.
Umbukiso uzaqala mhlaka 27 Mpandula kusiya ku 1 Mfumfu ngaphansi kwendikimba ethi; “Synergies for Growth — Co-operating, Collaborate Complement” njalo kuzabe kuthakazelelwa isivuno sanyakenye esingezelelekileyo esalethwa yikuna kwezulu kanye losekelo lwabalimi oluvela kunhlelo zikaHulumende ezigoqela Intwasa/Pfumvudza kunye leCommand Agriculture.
