Uncategorized

Uyakujabulela ukwenza ama-skit uMaNyathi

19 Jan, 2023 - 00:01 0 Views
Uyakujabulela ukwenza ama-skit uMaNyathi

uMthunywa

Ethel Ncube
KULENINA lakoBulawayo elidume kakhulu kwezemidlalo etshiyeneyo eselitshengisele ukuthi lilamathalenta amanengi nanko phela selisenza ama-skit loMadlela.

UTitibele Phiri owazalwa ngo1981 uqale ukusebenzelana loMadlela ngo-2018 lapho aqale khona ukugida leqembu likaMadlela kukanti engakengeni lapho ubegida kwelinye iqembu

Intatheli ixhumane lomdlali lo owazakala ngokuthi nguMaNyathi kwezemidlalo obike ukuthi usesebenza lomhlabeleli uMadlela.

“Mina ezemidlalo zikimi ikakhulu ukugida engakuqala ngisasePrimary School. Ngenxa yalokhu ukuthanda ezemidlalo kwami sengafika emazweni afana le-Russia laboCanada ngisemaqenjini okugida. Okwakhathesi sengizakhele ibizo kwezokuzithokozisa sengibizwa ‘MaNyathi’ ngemva kokuba sengijoyine uMadlela.” kubika uMaNyathi.

uMadlela Skhobokhobo

Uqhubekele phambili eveza ukuba uMadlela usemsize kakhulu ngokumphakamisa kwezemidlalo.
“Lokhe ngaqala ukusebenza loMadlela umsebenzi wami ususaziwa ngabantu abanengi kakhulu njalo abantu kukhanya bayawuthokozela umsebenzi engiwenzayo.

“Ngiyathokoza ngoba abalandeli bami bayathokoza kakhulu ngalokho njalo ngizaqhubeka ngikhula kwezokuzithokozisa okwakhathesi ngilokhu ngilithokazi.

“Ngiyahlabela ngibuye ngigide ekugideni ngibizwa ngisabele khona nxa sengigqoke ibhetshu lami sengigida uyakwala ukuthi yimi engikwenzayo ngoba ngikwenza ngobunono obukhulu langenhliziyo yami yonke. Ngibonga bonke abangiphathisileyo kuhambo lwami lwezemigido ababalisa iVictory Siyanqoba, umdala wehloka uMadlela labanye bonke engisebenze labo,” kuphetha uMaNyathi.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds