Uyajabula uMuleya ngeBinga Pirates

12 Sep, 2019 - 00:09 0 Views
Uyajabula uMuleya ngeBinga Pirates

uMthunywa

Gladmore Ncube

UKUDLALA okwenza iqembu leBinga Pirates kuligi ka-Division One ngaphansi kweZimbabwe Football Association sekujabulise umsekeli omkhulu waleliqembu othe impumela yokubekezela kunguqu isivela.

Ekusungulweni kwayo, iBinga Pirates ihlelwe yaba liqembu likazulu njalo ibithola uncedo ebantwini kodwa ukuze yenelise ukugcwalisa indleko zayo, ithimu le ibonga kakhulu usekelo lukaMatthew Muleya.

Bambalwa abantu abakhupha imali yabo bencedisa amaqembu, okwenza uMuleya aqakatheke kunguqu engezansi yelizwe. UMuleya usephathise iBinga Pirates ngamafutha emota, ukudla, ukubhadala onompembe lokunye.

Iphephandaba likazulu lixoxe loMuleya obike ukuba bayajabula ngokuthi iqembu labo likhona kuligi yamaqembu amakhulu okutshengisa ukuthi inguqu yeBinga iyaphambili.

Ukuphathisa kukaMuleya lokhu encedisana lezinye izakhamizi zeBinga sekwenze iqembu lazethemba ukuthi lizaphumelela.

“Okusijabulisayo yikuthi abadlali bethu kuBinga Pirates sebefike kubanga ebesingalicabangeli. Bayadlala abafana, angeke utsho ukuba liqembu elisanda kungena kuDivision One. Nxa besenza kanje bemisana lamaqembu amakhulu, sizaqhubeka sibasekela,” kutsho uMuleya.

“Sifuna abadlali laba bayephambili batshengise ilizwe lonke ukuthi ithalenta lenguqu alikho emadolobheni kuphela. Lathi eBinga silalo ithalenta. Iqembu leli liginqise amaqembu abalisa iBulawayo City leBosso 90.”

Indlovu Iyanyathela leTalen Vision lazo azizange ziphume egumeni layo.

IBinga Pirates iqeqetshwa nguWitness Munkuli isilakho ukuthi ithole abanye abahlonitshwa abake baduma ngensuku zabo kubhola lenyawo.

Kungumbono kaMuleya ukuthi kuminyaka ezayo, kuzakuba labadlali beBinga Pirates abazabizwa kwamanye amaqembu.

“Siqhubeka sisekela iBinga ngoba sifuna impucuko kulindawo. Impucuko engikhuluma ngayo ngeyokuphakamisa ithalenta labafana abakhwabitha inguqu.

“Nxa kulamaqembu afuna ukuthenga abadlali, angeke siyale labo ngoba sifuna bayekhatshana empilweni,” kutsho uMuleya.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds