Fungai Muderere
KUKHANYA inhlanhla iza ngenditshi empilweni kaDaniel Msendami. Umdlali wenguqu lo, osanda kukhethwa kuqembu lelizwe elamaWarriors, uphinde wathola isicoco esikhulu ngokuvotelwa ukuba ngumdlali owedlule bonke kuligi yeBotswana Orange FA Cup. Uphiwe iP50 000.
UMsendami utshibilikela iqembu leJwaneng Galaxy kulelo. Kuleli iqembu, umdlali lo ulomunye oweZimbabwe uNqobizitha Masuku, owayekuHighlanders kuminyaka edluleyo.
Daniel Msendami
I-Jwaneng Galaxy yiyo intshantshu eyathwala inkezo yeOrange FA Cup ngemva kokunqoba i0-Orapa United 2-1 kumdlalo we-final enkundleni ye-Obed Itani Chilume eFrancistown. Kwakungcwele phamu kulumdlalo.
Ukuthwala inkezo yeFA kwakungokwakuqala kuJwaneng Galaxy. Ngesizini edluleyo, lomqeqetshi walo omkhulu uMorena Ramoreboli bancintisa baphelela kuhlandla lama-quarter final.
URamoreboli nguye njalo umqeqetshi owanqoba isicoco seCosafa eleBafana Bafana. Usethwale inkezo kathathu kweleBotswana. Kulandela ukuthuthukisa kwakhe leli iqembu, kubikwa uRamoreboli uzakwengeza isivumelwano sakhe sokusebenzela iqembu, nanko besiphela kumaviki ambalwa azayo.
Ekhuluma lephephandaba leFARPost kumaviki ambalwa adluleyo, uRamoreboli wabika ukuba ukunqoba iligi leFA Cup kuzakwengeza ukuzethemba kubadlali njalo laye yikho ayekukhangelele.
“Kuyimpumelelo enkulu kimi laseqenjini. Sesizabonakala ngenxa yomsebenzi esiwenzayo,” nguRamoreboli etshela i-FARPost.
“Abaqeqetshi abasezingeni eliphezulu emhlabeni wonke banqoba ama-double, ama-trebles lamaligi. Ngingathanda ukuzibona ngilapho lami.
“Ukubusa kuligi yekhaya, kutsho ukuthi abadlali, ithimba labaqeqetshi labaphathi benza konke okusemandleni abo ukuqinisekisa ukuthi iqembu liyathuthuka.”
