Thokozile Mbedzi
KULENDODA yesigabeni seNemandezwa eMasvingo ebhubhe ngemva kokuwa emoteni ihamba ngoLwesithathu kuviki ephelileyo.
Kubikwa uFrancis Mushanyuki oleminyaka yokuzalwa engu-30 ubegade imota kamakhelwane wakhe aze awe emoteni.
Kuzwakale ukuba uMushanyuki owayegade imota eyisigengele wafika wahlala emuva ithe imota isihamba wawa wahle waquleka.
Isikhulumi samapholisa eMasvingo ulnspector Kudakwashe Dewa uthe ingozi le yenzakale duzane lekilinika yeMukanga ku-17km.
“UMushanyuki wagada imota yohlobo lwe-UD truck emuva emaceleni kungakho ithe imota isihamba wawa.
“Umtshayeli wemota wayimisa bamthwalela esibhedlela kodwa ngokusweleka kwenhlanhla wathi efika besabhala incwadi zokumamukela wahle wedlula,” kulandisa uInsp Dewa.
Uphethe ngokukhuthaza abantu ukuba batshiyane lomkhuba wokuhlala emaceleni nxa begade izimota eziyizigengele.
“Sikhuthaza uzulu ukuthi ehlukane lomkhuba wokuhlala emaceleni nxa begade izimota eziyizigengele kodwa kabahlalele phakathi ukuze singaze salahlekelwa yimpilo ngendlela efana lale,” kuphetha uInsp Dewa.