Uncategorized

Uvaleka ukuyangaphandle owatshontsha imbuzi

06 Feb, 2020 - 00:02 0 Views
Uvaleka ukuyangaphandle owatshontsha imbuzi

uMthunywa

Ethel Ncube

KULESELA lembuzi eliyifunde ivaliwe eChipale eBinga nanko phela selilamaviki amathathu lingayi ngaphandle kulandela ukutshontsha imbuzi, uMthunywa ukuzwile lokhu.

UMnumzana Elias Mudimba kubikwa uthwele amagabha avuzayo kulandela ukutshontsha imbuzi ezimbili zikaMnumzana Thulani Nleya.

Esinye isakhamuzi esikhulume lentatheli kaMthunywa  uNkosazana Joyce Sibanda uveze ukuba uMudimba uselamaviki amathathu ebubula efuna ukuya ngaphandle kodwa kusala ngenxa yokutshontsha akwenzayo.

“Thina savela sasola umnikazi wembuzi ebuya kumsolwa wathi nxa imbuzi zami ungakazithengisi zilethe ngoba uzabona umsolwa wakutshaya indiva lokhu.

“Thina lathi sikuzwe ngoba sebevela kubosiyazi lapho abatshelwa ukuthi kumele aqale ayexolisa lapho atshontsha khona imbuzi,” kuchaza uNkszn Sibanda.

Uqhubekele phambili esithi uMudimba watshontsha imbuzi ekuqaleni kwawonalo umnyaka wazithengisa kodwa umnikazi wazo uthe esezwile bazama ukukhulumisana bangazwani okuyikho okwenza wayamvala ukuyangaphandle.

“Umakwenza lokhu sokuke kwakhulunywa laye kodwa wathi uzabuya usabambekile kodwa amalanga lokhe ehamba,” kutsho uMnu Sibanda

UMthunywa uxhumane loMnumzana Thulani Nleya onguye okucatshangelwa ukuba nguye owavala omunye ukuyangaphandle ongazange alandule ukuthi wakwenza lokhu.

“Mina kangikho ekhaya ngizakhulumisana labo ngingafika bangiphe imbuzi zami lami ngibancedise kulokho okuvumayo,” kutsho uMnu Nleya.

Ekhuluma lentatheli uMnu Mudimba onguye osesehluleka ukuya ngaphandle uthe uphakathi kodubo olwesabekayo.

“Okwembuzi sizakhulumisana mina ngilamaviki phose amathathu ngisiyachitha kodwa ukuthi ngiye ngaphandle yinkani kuyala akuvumi ebantwini sengizamile labo bayazama ukuthi ngivuleke ngilethemba ngizasizakala,” kuphetha uMnu Mudimba.

Share This:

Sponsored Links