Uncategorized

Utshaya abulale umngane ngepulanka elamula

17 May, 2024 - 14:05 0 Views
Utshaya abulale umngane ngepulanka elamula

uMthunywa

Thokozile Mbedzi

ZILOKHE zikhakhamele indlamanzi ebezisendaweni yamabhizimusi yeRunwanda, eMasvingo ngemva kokuba enye indoda itshaye umngane wayo obezama ukulamula ngepulanka wafa.

Kubikwa uTanaka Hora oleminyaka engu-26 wakuPlot 53 Kepure, ngaphansi kwenduna uChikwanda utshaye uJefrees Mukonzi oleminyaka engu-21 wakuPlot 9 eRunwanda ngaphansi kwenduna uNhema, eMasvingo ngepulanka wafa ezama ukulamula.

Ekhuluma lentatheli kaMthunywa Daniel Sithole uthe balokhe benkemile ngokwenzakale besebhawa.

“Silokhe simangele silapha kasilamathe uMukondzi ufike wathenga utshwala bohlobo lwe-super beer banathisana labangane bakhe kuxoxwa kodwa buthe sebuphela wasesithi bangasanathi.

“UHora wasuka wayadlala i-snooker, omunye wababenatha bonke, uTichaona walandela wafika wabamba i-snooker, uHora wamsukela wamtshaya ngogodo abadlala ngalo.

“UMukonzi wasukuma ethi eyebalamula kanti yayisiwuchithile umuthi inkonyane ngoba uHora wadobha ipulanka lesitulo wamtshaya ngalo esiphaqeni,” kulandisa uMnu Sithole.

Kubikwa ngenxa yobuhlungu wacela abangane bakhe ukuthi bamphelekezele ngakibo kodwa uthe ngemva kohamba umango onganganani wawa waquleka.

Abangane bazama ukumthela amanzi aqandayo kodwa kwehlula ukuba aphaphame. Wagijinyiselwa ekilinika yeChipinda lapho omongikazi labo abafika bazama ukumncedisa i-ambulensi ingakafiki kodwa kwehlula.

Isikhulumi samapholisa esabelweni seMasvingo ulnspector Kudakwashe Dewa ebuzwa ngodaba lolu uvumile wathi solufikile ehofisini yabo.

“Udaba lwendoda etshaye eyinye ngepulanka yafa solusezandleni zamapholisa, umetheswacala laye uncedisa amapholisa ukuphenyisasisa ngodaba lolu.

“Amapholisa akhuthaza uzulu ukuthi angabofuqwa butshwala kumbe izidakamizwa bengalingi ukuxazulula ingxabano loba inkinga,” kuphetha ulnsp Dewa

Share This:

Sponsored Links

Survey


We value your opinion! Take a moment to complete our survey

This will close in 20 seconds