Uncategorized

Uthumba, anqunule umakhwapheni womkakhe

12 May, 2022 - 00:05 0 Views
Uthumba, anqunule umakhwapheni womkakhe

uMthunywa

Ethel Ncube

KULENINA leRujeko eMasvingo elitshiye umphakathi ukhakhamele ngemva kokuba lithumbe umakhwapheni womkalo qede layamnqunula andubana limbhaxabule  ebhunyumunyu.

Umsolwa uMaud Chiruka umiswe emthethwandaba weMasvingo phambi kukamantshi uFarai Gwitima esetheswa icala lokutshaya ngeviki ephelileyo.

Umtshutshisi kulelicala uRuvimbo Makoni uveze ukuthi umsolwa wabiza umamangala uPrisca Mauswa wathi ufuna bahlangane bakhulume.

“UChiruka wacela uMauswa ukuba bahlangane edolobheni bakhulume njengoba uMauswa engumakhwapheni womkakhe.

Ababili laba bahlangana eMasvingo lapho umsolwa afika wathumba umakhwapheni lo wamfaka emoteni wahamba laye endlini yakhe wafika wamkhiyela.

“Ngemva kwesikhathi wathutsha esehamba labangane bakhe wathi bancedisane ukutshaya uMauswa lo.

Umsolwa labangane bakhe banqunula uMauswa bamlalisa phansi bamtshaya,” kubika uMakoni.

Kubuye kwavela ukuba umamangala bamtshaya ngezandla langebhanti lesikhumba.

Kubikwa ukuba ngesikhathi etshaywa umakhalekhukhwini wakhe wafa  amakhadi ebhanga aqamuka.

Umantshi udlulisele phambili ukuthoniswa kwecala leli.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds