uMthunywa
Listen Ndlovu
KULENDODA etholakale ifile duze lalapho ehlala khona ngemva kokukhelela kakhulu uMagwebu ebhawa.
Umufi uGibson Kativhu obeleminyaka engu-56 yokuzalwa ubehlala JMN Nkomo Compound koBulawayo.
Lindaba yenzakale mhlaka 22 Nhlolanja ngehola lika-9 ntambama.
Kubikwa umufi wasuka ebhawa ye- JMN Nkomo Airport Beer Hall esiya endlini yakhe njalo kasazange ayefika.
Ngelanga elifanayo umntaka-mufi owayehamba lepholisa elalizokhangela ngokugqekezwa okwakwenzakale ezindlini zenkomponi le andubana bafice uKativhu elele phansi, duze lendlu yakhe.
Amapholisa ehlolisisa ananzelela ukuba uKativhu wayesedlule emhlabeni, njalo inyawo zakhe zazigoqene njalo elenxeba elitshonayo esifubeni esandleni sokunxele.
Umzimba wathathwa wahanjiswa esibhedlela seUnited Bulawayo Hospitals ukuyohlolwa.
Ekhuluma lentatheli kaMthunywa uAssistant Inspector Nomalanga Msebele uthe basahlolisisa udaba.
“Samukele umbiko wendoda etholakale ifile duzane lendlu yayo. Amapholisa adinga ukuncediswa ekutholeni lowo ongabe wenza icala leli,” kutsho uAsst Insp Msebele.
