uMthunywa
BAZAMILE ukumehlisa besithi ingoma yakhe entsha uDlala Ntethe ayikho mnandi, bengazi ukuthi bamvulela inhlanhla.
Umculi osevutha kumawayilesi lasebulenjini uSikhosana Buhlungu usephiwe impahla lemali yokuthi avuselele umuzi wakhe esiqintini seGwampa eNkayi. Uphiwe izifuyo ezibalisela inkomo, imbuzi, inkukhu, isamende lokunye okuzafunakala nxa esesukumisa umuzi wakhe. Lokhu ngokwakuqala umhlabeleli odabuka kulumhlubulo welizwe ethola usizo olukhulu kangaka.
USikhosana uphiwe lokhu nje ngemva kokubeka emphakathini izifiso zakhe.
Ingoma yakhe uDlala Ntethe okwakhathesi isiqhunswa emsakazweni yonke elalelwa kumhlubulo ongezansi yelizwe.
