Uncategorized

Uthelelwa ngomahotsha bebanga imbadalo

18 Apr, 2019 - 00:04 0 Views
Uthelelwa ngomahotsha bebanga imbadalo

uMthunywa

YiNtatheli kaMthunywa

KULEJAHA leMatopo elilokhe lithoba amanxeba ngemva kokuba lithelelwe ngomahotsha balibhaxabula ngokwehluleka ukubhadala imali yabo.

UDaniel Nkomo uthelelwe ngomahotsha ababili ngoLwesibili kuviki ephelileyo kubangwa imbadalo yeRTGS$20.

Ekhuluma lentatheli kaMthunywa umfakazi ongathandanga ukuvezwa ngegama ubike ukuthi lujaha wadinga umahotsha okuzwakale ukuthi nguSinikiwe kodwa wasesehluleka ukumbhadala. 

“Kukhanya uDaniel waqambela uSinikiwe amanga ukuthi uleRTGS$20 yena esazi ukuthi kayeneli okuyikho okwabaxabanisayo uSinikiwe esefuna imali yakhe.

“Lokhu kwabangela ukuthi uSinikiwe acine ebiza umngane wakhe abancedisana ukubhula uDaniel ngezigodo kanye lamatshe,” kulandisa umfakazi lo.

UMthunywa ukhulume loDaniel Nkomo owatshaywa ngomahotsha yena obike ukuthi babevumelane ukubhadalana iRTGS$20. 

“Indaba okhuluma ngayo yenzakele sibili, mina loSinikiwe sasivumelane kuhle iRTGS$20 isimanga yikuthi sesiqedile esikwenzayo ngakhipha leyo mali kodwa yena wajikisa wathi uthe ufuna iRTGS$30, mina bengingelayo leyomali yikho okwaqalela khona umsindo.

“Kangisoze ngithi bangitshayile, mina yimi ebengingafuni ukubatshaya ngoba ngesaba umthetho, ukuthi ngikhanye sengibotshelwa ukutshaya abesifazane bengingakufuni yikho ngingazange ngilwe labo ngibayekele benza abakukwanisayo,” kuchaza uNkomo.

“Imizamo yokukhulumisana loSinikiwe yehlule ngoba ucingo lwakhe lungatholakanga.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds