uMthunywa
Michael Magoronga
KULENDODA edideke ingqondo lakhathesi kulandela ukuthola ukuba ibithandana lenye indoda, nanko besebehlale bonke inyanga ezimbili, isithi ngowesifazana.
Lokhu akula loyedwa ofuna ukuhlangana lakho empilweni kodwa kwenzakele kuJames Mapawa (40) ongumthengisi wempahla odumileyo eNarrans Building enzikini yedolobha le-Kwekwe.
Kubikwa uthole ukuthi isithandwa sakhe uPraise Mpofu (25) akade esehlale laye uyindoda.
Lolu daba luvele ngesikhathi uMapawa exabana loPraise besemacansini. Kubikwa ngoNtulikazi ngosuku olungaziwayo endaweni yobumnandi eKwekwe, uMapawa wahlangana loPraise owayegqoke ezenza umuntu wesifazane.
UMapawa wakhombisa uPraise, bavumelana njalo wamhambisa endlini lapho abaqala ukuhlala khona ndawonye.
Kubikwa mhlaka 7 Mpandula, laba bobabili benza ucansi, ngaleso sikhathi kwavela ukuba uPraise ngowesilisa.
Lokhu kwethusa uMapawa, kwavuka umsindo phakathi kwabo bangqikilana ngezibhakela.
Ngenxa yokucasuka, uMapawa wabikela amapholisa ngodaba, okwadala ukuthi babotshwe bobabili.
Bamiswe phambili kukamantshi weKwekwe u-Itai Kagwere ngecala lokubhinya.
Ababuzwanga ukuthi bayalivuma yini icala kodwa babhadaliswe ibheyili ye-$100 000 umuntu ngamunye.
– Bmetro
