UTeko ‘The General’ utshiya ibhola

16 May, 2019 - 00:05 0 Views
UTeko ‘The General’ utshiya ibhola uTeko Modise

uMthunywa

ABATHANDI bebhola likanobhutshuzwayo abalandela umdlali uTeko Modise bazadana ngokuzwa ukuthi usethatha umhlala phansi.

UTeko ‘The General’ ulihlikihle okokucina ngeviki edluleyo. Lumdlali umemezele inyathelo lakhe ebulenjini, wasekelwa laliqembu lakhe iCape Town City FC emfisele konke okuhle kuhambo lwakhe olutsha.

Indaba lezi ziqinisekiswe yiCape Town City FC ekhasini layo kuTwitter kuliviki lapho uTeko avalelise khona kubalandeli baleli qembu ngevidiyo.

Uthe ukuziqeqetsha leqembu ngeviki eledluleyo bekungekho lula ngoba ubengazi ukuthi akhethe ukujabula kumbe akhale njengoba umdlalo weCape Town City FC leBlack Leopards ubungowokucina kuye.

uTeko Modise enikezwa iguard of honor

 “Kwakuhlezi kuliphupho lami ukuthi ngidlale ibhola elibhadalayo. Inkundla yiyo indawo engizizwa ngijabula kuyo,” kuchaza uTeko oleminyaka engu-36 yokuzalwa.

Uthe ulethemba lokuthi kulomunye umdlali ofanele ukuthatha indawo yakhe ngoba yena usekuzuze konke ayefisa ukukuthola ebholeni likanobhutshuzwayo. 

UModise ubalwa labadlali basesiswini abasezingeni eliphezulu asebeke bayibamba ebholeni laseMzansi. Uqale ukudlala ibhola kuCity Pillars ngaphambi kokuthi athengwe yiSupersport United ngo-2006.

Usuke kuMatsatsantsa wajoyina i-Orlando Pirates lapho afika azakhela khona igama waba ngumdlali owayekhangelwe ngabomvu kuBafana Bafana edlale ku-2010 Fifa World Cup. 

Udlalele iqembu lesizwe ka-66, elihlohlela futhi.

Ngo-2011 kusiya ku-2017 uModise ubesegijima kuMamelodi Sundowns lapho anqobe khona isicoco seligi kabili, iCaf Champions League leCaf Super Cup.

Share This:

Sponsored Links