uMthunywa
ISILOMO somsakazi weMetro FM, uTbo Touch, sithi asibuyanga emsakazweni ukuzoncintisana labanye kepha ukuzofukula ezobuciko.
UTbo Touch ukutsho lokhu ekhuluma kuDurban Business Fair, eNkosi Albert Luthuli International Convention Centre, eThekwini, ngoMgqibelo.
“Ngike ngaba loSizwe Dhlomo ohlelweni lwami. Ngike ngaba lo-Anele (Mdoda) ohlelweni lwami. Abantu babephawula ngokuthi ngubani ozoba ngcono. Bekumele ngikhombise ukuthi ngizimisele ukulanda noma ubani engicabanga ukuthi ungcono,” kutsho uTbo Touch, owethula uhlelo iTouch Down ngo-3 kuya ku-6 ntambama, phakathi kweviki.
Uthe akancintisani kodwa ufuna lezimbangi zibe seqophelweni eliphezulu ngoba lokho kuzohlomulisa indima yezokusakaza lamaciko.
“Sisesikhundleni sokwenza ukuthi amaciko aphumelele. Asikho ezikhundleni zokuba ngabasakazi abahamba phambili emoyeni.
“Inhloso yomsakazo yikudlala izingoma ezintsha, sikhulise izimboni. Akuyona into efanele uma silokhu sincintisana ngokuthi ubani omsakazi ohamba phambili.
“Akuthiwe ubani umsakazi ohamba phambili ekwakheni indima. Bangaki abaculi lamhlanje abadlale okokuqala izingoma zabo kwiTouch Down?”
Ubale u-AKA, Cassper Nyovest loBig Zulu, wathi ngabanye abadlale izingoma zabo okokuqala.“Angibakhombanga ngesibhamu ukuthi benze lokho yingoba basebenza lomuntu ophokophele phambili.
“Angikhankaseli ukuba ngumsakazi ohamba phambili, ngihamba phambili,” kutsho uTbo Touch.
Kule ngqungquthela amaciko abephume ngobunengi bawo.
Umdidiyeli womculo ophinde abe ngumculi, uMondli Ngcobo, ukhale ngokuthi umculo ususebenza ezinkundleni ezahlukene kodwa benza imali encane.
“I-Empini kaKelly Khumalo (ayididiyela) ibheke ekutshayeni i-platinum amahlandla angu-13. I-platinum yamanje ayikho, ayengcono amahlandla amabili e-platinum kaBrenda Fassie.”
NgokweRecording Industry of South Africa, i-platinum ingoma isuke ithengwe amahlandla angu-20 000. —Isolezwe
