USjava ubhoboka ngezinsolo zokudlwengula

04 Mar, 2020 - 19:03 0 Views
USjava ubhoboka ngezinsolo zokudlwengula

uMthunywa

UGCINE ephefumulile uSjava ngezinsolo zokudlwengula umculi uLady Zamar njengoba ethe akazange amdlwengule njengoba evulelwe leli cala okuthiwa lenzakala ngo-2017 eLimpopo. 

Esitatimendeni asikhiphe izolo ebusuku kuTwitter, uthe akakaze akhulume ngalolu daba kodwa ubona kubalulekile ukuthi abhoboke. 

Uthe akazange amdlwengule uLady Zamar wathi abantu bathi wenza izinsongo ezingekho emsabisa ngokuthi uzomyisa enkantolo ukuzivikela njengoba nyakenye uLady Zamar wathi wamhlukumeza.

“Ngemva kwalezi zinsolo sabhalela umaneja kaLady Zamar sifuna axolise ngalokhu akutshoyo kodwa bayiziba incwadi. Sahambisa amasamanisi ngecala lokuphambanisa isithunzi. ULady Zamar wavula icala lokudlwengulwa ngoLwezi mhlaka 14, 2019, ngangingazi ngalo ngaze ngatshayelwa ngamapholisa ngoMpalakazi mhlaka 5, 2019.”

Uthe wabhala esakhe isitatimende amapholisa athatha lezabafakazi wathi amtshela ukuthi awambeki cala, asaqoqa ubufakazi. 

“Ngawafonela ngoZibandlela ngabuza ukuthi kwenzakalani athi asikathathwa isinqumo sokuthi ngitshutshiswe. Ngabe sengitshayelwa ngabezindaba ngoNhlolanja 26 bengibuza ngaleli cala bethi badinda  udaba. Angizange ngiyiphendule imibuzo yabo, ngoba angazi kungani amapholisa ekhuluma labezindaba icala ngingaletheswanga.”

Uthe waphinda watshayela amapholisa mhlaka 28 Nhlolanja ewabuza ngokuthi sikhona yini isinqumo esithathiwe ngokuthi atshutshiswe. 

“Angitshela ukuthi asikho isinqumo esisathathiwe athi angingaphawuli ngalokhu engikubuzwa ngabezindaba. Okwamanje sisabheka ukuthi ungaphi umkhombandlela esizawuthatha mayelana lokuthi amapholisa akhulume labezindaba ekubeni ngingakabekwa lelicala futhi angikaze ngibone ledokethi lelo noma ngitshelwe lutho ngamapholisa,” kuphetha uSjava. 

Ngenxa yalezi zinsolo, lumculi ususwe kuluhlu lwabahlabeleli abazonandisa kuCape Town International Jazz Festival ezoba sekupheleni kwenyanga.

“Ngenxa yobucayi bezinsolo ezibhekene loSjava, abaphathi beCape Town International Jazz Festival sebekuhoxisile ukucula kwakhe kuCTIJF 2020,” kutsho isitatimende esikuTwitter. — Ubulembu

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds