YiNtatheli kaMthunywa
KULOWESILISA ovela eBeitbridge ogwetshwe inyanga ezingu-24 etholakale elecala lokutshontsha imbuzi ezingu 13.
Kubikwa indoda le, uMalvin Sibanda (20) lomngane wakhe, ovezwe ngokuthi nguChabangu, batshotsha imbuzi lezi emadlelweni qede lapho bazithengisa.
USibanda umiswe phambi kukaMantshi eBeitbridge esetheswa icala lokutshontsha izifuyo. Kusigwebo sakhe kukhitshwe inyanga eziyisithupha eminyakeni emine nxa engaziphatha kahle njalo lenyanga ezingu-10 zikhitshiwe ngesimo sokuthi abhadale umnikazi wezifuyo i-US$10 400 kusiya fika u 20Mfumfu 2024.
Umthethwandaba wezwa ukuthi ngesikhathi kusukela ngo 24Ncwabakazi 2024, uSibanda wahlangana lomgane wakhe okuthiwa nguChabangu lo olokhe edingwa, ukuyatshontsha imbuzi zikaGladys Ndou ezazisemadlelweni eMasera.
Ababili laba bazitshova imbuzi baya lazo eShashe lapho abazithengisa khona. Udaba lolu lwaphumela egcekeni ngemva kokuba kulomuntu owancweba uNdou indlebe emazisa ukuthi ubone amadoda la elembuzi zakhe.
