UShongwe uxwayisa iChiefs

19 Dec, 2019 - 00:12 0 Views
UShongwe uxwayisa iChiefs IKaizer Chiefs

uMthunywa

UWILLIAM “Cool Cat” Shongwe owazakhela ibizo ezintini zeKaizer Chiefs eminyakeni edluleyo, ubona sesifikile isikhathi sokuthi leliqembu liqinise isithunzi salo, sencintisa kuCaf Champions League, nxa lizanqoba isicoco seligi.

Ingcitshi yomdlali le, eyayinamathela ibhola, ithe amaqembu athathwa njengamakhulu emhlabeni, ahlonitshwa ngokwazi ukumelana lobunzima obehlukeneyo. Obunye balobo bunzima yikudlala emiqhudelwaneni eminengi, okubalwa leyezwekazi.

UShongwe, odabuka eSwatini utsho lokhu ehambele ukuqhathwa kwamaqembu azodlala kuBergville Off Season Tournament, oqala ngoLwesithathu usiyaphethwa mhlaka 29 Mpalakazi.

Uthe yisikhathi esihle sokubuyisa udumo kweZimpofana, ngokuthi zijoyine iMamelodi Sundowns kuChampions League.

“IChiefs isike yahlala isikhathi eside inganqobi isicoco. Ebholeni kwenzeka loba yini kodwa kulokhu ibukeka isethubeni lokusidla isicoco seligi. Iliqembu elihlonitshwayo. Ngokwami ukuphuma kuleli, iyohlasela lasezwenikazi i-Afrika, kungabuyisa isithunzi sayo. Kayikho into edlula ukuhlela izinto zakho,” kubeka uShongwe.

UShongwe ukhuluma nje kulenkolelo ethi iChiefs kayiyizwa eyemidlalo yase-Afrika.

Ngo-2005 yagwetshwa yiCaf iminyaka emithathu emva kokungalubhadi emdlalweni weCaf Confederation Cup.

Ngaleyo sizini yathatha isicoco seligi. Yayingaqali ukuxabana leCaf njengoba ngo-2002 yanqaba ukuvikela inkomitshi ye-African Cup Winners Cup. Ekuqaleni komnyaka ikhitshwe yiZesco United yaseZambia kuConfederation Cup. I-Orlando Pirates leSundowns sebeke bayiphakamisa indebe yeChampions League.

Okwamanje kulogu ye-Absa Premiership iphethe imiklomelo engu-34 emva kwemidlalo engu-13. Isihlohle amabhola amanengi ukwedlula wonke amanye amaqembu, angu-28.

UShongwe uthe ekuqaleni kwesizini iChiefs ibidlala kubi kodwa ithola imiklomelo. Osekujabulisa kakhulu yikuthi isidlala kahle futhi iyaqhubeka ngokuqoqa imiklomelo. — Ubulembu

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds