uMthunywa
Ethel Ncube
ININA lakoBulawayo elidume ngokusiza ikakhulu omama abafuna ukuqinisa imizi lokhe liqhubeka ngokuzakhela udumo kulelidolobho kanye lasezindaweni ezitshiyeneyo nanko phela inengi labantu elifika kilo lidinga usizo lifakaza ngamandla eziwasho zalo.
Inina leli uNkosazana Nothando Moreblessing Ndlovu elaziwa kakhulu ngelokuthi NaHazy kubikwa lidingwa ngabantu nsuku zonke ngenxa yamandla eziwasho elizisebenzisayo ezisiza bonke abantu.
UNkosazana Malungelo Sibanda oke wasizwa nguNaHazy uveze ukujabula okukhulu ngalokhu akwenzelwa linina leli kulandela ukuphatheka kwalo okwenyanga ezimbalwa.
UNkszn Sibanda uthi wayekhukhumala isisu angavele adle. Uthi sasikhukhumala sesabeke okokuthi wayengakholwa ukuthi angasila nanko phela wayengatholi usizo lapho ayehamba khona.
Uthe wayesebhode odokotela edinga usizo kodwa akazange aluthole usizo.
“Odokotela besengibabhodile bezama ukuba badinge imbangela yokukhukhumala kwesisu sami kodwa akula ngitsho loyedwa owayitholayo.
“Omunye umngane wami wangixoxela ngomama osesize abantu abanengi obizwa ngokuthi NaHazy lakanye ngayafika kuye ngambikela ngohlupho lwami. Wangamukela kuhle wangipha iziwasho wathi ngiyezisebenzisa. Ngafika ngenza njalo ngemva kwamaviki ngaqala ukudla kabili ngabona isisu asisabuhlungu asisakhukhumali.
“Ngaqhubeka ngabona sengisenelisa ukudla kathathu ngingezwa lutho ngahle ngazi ukuthi lapha sengisilile,” kubika uNkszn Sibanda.
Omunye ofakaze ngeziwasho zikaNaHazy uMnumzana James Moyo ubike ukuba yena uyathaba ngoba sowathola umsebenzi.
“Mina ngabuya ngilayelwe ukuba kugcwala omama lami ngafika ngalayina ngoba ngilohlupho lokungatholi umsebenzi umfazi esefuna lokungibalekela engasangenzi muntu endlini ngingasabalwa. Ngafika ngaphiwa okokugeza ngahamba ngayageza kuthe kusiyaphela inyanga ngabizwa ukuba ngizoqalisa umsebenzi. Khathesi sengisebenza, endlini sokumnandi sengingubaba, sengisenelisa ukondla kuhle imuli yami,” kubika uMnu Moyo.
Ekhuluma lentatheli uNaHazy uveze ukuba isibhedlela sakhe seziwatsho sinceda wonke umuntu.
“Umama owayelohlupho lwesisu wabuya lapha samnika iziwatsho wayasebenzisa waphola, lokhu kuyathabisa kakhulu. Obaba abakhululeke babuye labo siyabancedisa njalo bakhona asebathola usizo kungakho bobaba labomama sondelani lethule inhlupho zenu silincedise. Sincedisa loba ngubani ongaphi asikhethi uyasidinga sikuncedise, ungagcini uhlupho wedwa, buya sisizane,” kuphetha uNaHazy.
