uMthunywa
USEXOTSHIWE uMolefi Ntseki esikhundleni sokuqeqetsha iqembu lesizwe iBafana Bafana.
Lokhu kumenyezelwe yisikhulu esiphezulu seSouth African Football Association (Safa), uTebogo Motlanthe emhlanganweni labezindaba ngoLwesithathu eSafa House.
“Ngo-10 (ngoLwesithathu) isigungu esiphezulu seSafa sithathe isinqumo sokwehlukana kuthi lomqeqetshi,” kutsho uMotlanthe.
Uthe yena njengesikhulu esiphezulu ubesazohlangana loNtseki ukumazisa ngokusemthethweni ngesinqumo esithethweyo, badingide lodaba lwenkontileka ebingakapheli.
Okugqamile kulo umhlangano yikuthi umengameli weSafa uDanny Jordaan ubengabonwa kuso.
UMotlanthe ubehambisana losihlalo wekomodi losomaqhinga, uJack Maluleka.
Uthe isigungu esiphezulu sithume bona ukuthi bazoxolisa esizweni ngokuthi iBafana ayiyi ku-Africa Cup of Nations (Afcon) ezobanjelwa eCameroon ngomnyaka ozayo.
UNtseki uxotshwe ngemva kokuthi ehlulekile ukufaka iBafana kwi-Afcon. INingizimu Afrika ihlulwe yiSudan ngo 2-0 ngempelasonto edlule emdlalweni wokugcina wokuhlunga kuGroup C. Lokhu kwenze yaqeda eqoqweni isendaweni yesithathu ngamaphuzu awu-10.
Amaqembu amabili aya eCameroon kube yiGhana eqhwakele leSudan esendaweni yesibili.
