Usehambile uPrince

13 Aug, 2020 - 00:08 0 Views
Usehambile uPrince Prince Dube

uMthunywa

Nkosilathi Sibanda
U-PRINCE Dube umgadli oyisithandwa kubalandeli beHighlanders usesiyadlalela iqembu le-Azam lase-Tanzania.

UDube, odume ngelithi “Mgadafi” enkundleni ubizwa ngabe-Azam ngemali engange-$US50 000.

Kusivumelwano lesi kukhangelelwe ukuthi iAzam incedise ukuvulela umdlali amathuba okuya kwele-Europe lapho okulamaqembu alemali ezwayo.

Lumdlali usuka kuBosso ngesikhathi elindwe ngamaqembu kwele-Europe njalo ubefunwa ngelinye ele-South Africa. Ukumemetheka kobhubhane lwe-Covid-19 lokumiswa kwenguqu ngokunye okumenqabele ukuthi ahlale phansi.

Ngokunjalo umgcinisihlalo weHighlanders uKenneth Mhlophe uthe bamfisela okuhle uDube. Uthe ukuthengwa kwakhe kuzamphathisa lumdlali.

“Siyamjabulela umdlali wethu ngokubonwa ngelinye lamaqembu aphezulu. Kulesi isivumelewano, uPrince uzathola ukukhuphuka, azibonakalise ngomdlalo wakhe. IHighlanders njengeqembu layo iphakame kakhulu ngobudlelwano ebakha lamanye amathimu.

“Isifiso sethu yikuthi umdlali enelise ukufinyelela amaligi e-Europe,” kutsho uMhlophe.

Uthe ikusasa likaPrince belivimbezelwe yikuqhamuka kweCovid-19.

“Aluba uPrince usedlala kweleEurope, manje ngenxa yeCovid-19, akuzange kwenzeke.”

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds