Usegcotshiwe umqeqeshi weBafana

06 May, 2021 - 00:05 0 Views
Usegcotshiwe umqeqeshi weBafana uHugo Broos

uMthunywa

INHLANGANISO eyengamele ibhola kuleli, iSouth African Football Association (Safa) isiqatshe uHugo Broos njengomqeqetshi omutsha weqembu lesizwe iBafana Bafana.

Lezi zindaba zimenyezelwe kuSABC isikhulu esiphezulu seSafa, uTebogo Motlanthe, ngoLwesithathu emini.

UBroos (69) weBelgium uzothatha izintambo ngemva kokuthi iSafa idilize uMolefi Ntseki ohluleke ukufaka iBafana ku-Africa Cup of Nations (Afcon) ezokuba seCameroon ngomnyaka ozayo.

Lo mqeqetshi umsebenzi wakhe wokuqala yikuhola iBafana emidlalweni yokuhlungela iNdebe yoMhlaba eqala ngoNhlangula. INingizimu Afrika iqhathwe leZimbabwe, Ethiopia leGhana kumele iqede phezulu eqoqweni ukuze idlulele esigabeni esilandelayo sokuhlunga.

“Uzoza lephini lakhe, elinye kuzoba elakuleli njengoba sifuna kubekhona ukudluliselana ngolwazi njengoba besihlale senza. Asikazi ukuthi ubani (owakuleli) kodwa ikomiti losomqaqhinga lisazobheka kodwa sikuxoxile ukuthi uzoza lomsizi oyedwa bese lathi sibe longumsinsi,” kutsho uMotlanthe.

Uveze ukuthi bebengakaziqedi izingxoxo zobude benkontileka lomqeqetshi.

“Yize singakafiki kulokho kodwa isigungu esiphezulu sithe kumele uHugo Broos anikezwe inkontileka yeminyaka emihlanu khona kuzokwazi ukuthi kuhlelwe kahle.

Kungabi isikhath esincane lapho ezobheka imidlalo yokuhlunga kuphela,” kutsho uMotlanthe.

Kuleli sonto kuvele ukuthi iSafa ayikaqedi loNtseki mayelana lokumxotsha kwayo.

UMotlanthe ebuzwa ukuthi ngabe sebeqede konke loNtseki, uthe: “Angizikuphendula lokho. Sisaqhubeka lokuxoxisana lomqeqetshi uNtseki. Ngizothanda ukuhlonipha ubudlelwano bomqatshi lomqatshwa kodwa uyazi ukuthi lamuhla simemezela umqeqetshi.”

UBroos onqobe i-Afcon leCameroon ngo-2017 kulindeleke ukuthi afike kuleli ngoMvulo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds