Uncategorized

Usane olulenyanga ezingu-10 lutshiswa ngamanzi lufe

16 Mar, 2023 - 00:03 0 Views
Usane olulenyanga ezingu-10  lutshiswa ngamanzi lufe Amanzi abilayo

uMthunywa

Thokozile Mbedzi

KULOSANE olulenyanga ezilitshumi olufe ngemva kokuchithekelwa yimbiza elamanzi abilayo eDulibadzimu, eBeitbridge kuviki ephelileyo.

Kubikwa uNkosazana Denise Kakwele oleminyaka engu-26 wayesenza imisebenzi yakhe yendlini ngapha efake amanzi eziko esitofini segasi usane lwakhe olulenyanga ezilitshumi luze luchithekelwe ngamanzi abilayo.

Ekhuluma lentatheli kaMthunywa uNkosazana Monica Ncube uthe usane lolu lufe ngendlela ebuhlungu.

“Sidabukile ngokulahlekelwa ngumphefumulo elokitshini lethu. Unina wosane lolu, ubethanyela ngapha efake amanzi kugasi.

“Uthe esethanyela phandle wezwa umntwana esehlaba umkhosi wagijima wayakhangela wathola usane seluthelwe ngamanzi lapho ayelutshiye khona.

“Unina wosane walugijimisela esibhedlela seBritbridge lapho athi efika khona welatshwa wabuyela lomntwana endlini. Ngosuku olulandelayo wabuyela losane esibhedlela lapho abafika bathi seludlule emhlabeni,” kuchaza uNkszn Ncube.

Isikhulumi samapholisa esabelweni seMatabeleland South uInspector Loveness Mangena ebuzwa ngodaba lolu uvumile wathi solufikile ehofisini yakhe.

“Sichwayisisa udaba losane oluthelwe ngamanzi abilayo abefakwe esitofini segasi.

“Amapholisa axwayisa uzulu ukuthi kananzelele abantwana zikhathi zonke ukuze bangawelwa zingozi ezifana lalezi.

“Kumele lapho abakhona kube lomuntu omdala obakhangelayo ukuze abe leqiniso lokuthi baphephile,” kuphetha uInsp Mangena.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds