uMthunywa
YiNtatheli kaMthunywa
ABALANDELI bomdlalo wenguqu abazafuna ukubukela iHighlanders leDynamos ngoLwesine kubikwa bazabhadala imali esuka kuUS$5 kusiya phezulu.
Isikhulumi seHighlanders uNozibelo Maphosa uthe umdlalo lo, ozabe useBarbourfields, umkhulu ngakho kube lendingeko yokuthi bakhweze imali ebhadalwa ngababukeli.
Ababukela behlezi eMpankweni, eSoweto laseMpilo End bazakhipha iUS$5. Abahlala kuVIP bazabhadala iUS$15, kuthi labo ababukela besemaceleni bazakhipha iUS$10.
“Ngumdlalo omkhulu. Ngenxa yokuthi yiwo wodwa umdlalo okhona ngekhefu, iPSL isinikeze imvumo yokukhweza imbhadalo,” kutsho uMaphosa.
Ababukeli bemidlalo yeligi yeCastle Lager, kweminye imidlalo babhadala kusukela ku-US$2.
