URasta uveza ukuthi akazidwebanga yisipho

03 Nov, 2022 - 00:11 0 Views
URasta uveza ukuthi akazidwebanga yisipho URasta esemukela isipho somdwebo kaThatayaone Ramolapong

uMthunywa

SEKUVELE okutsha ngomdwebo weciko elihlala lisematheni ezinkundleni zokuxhumana ngokudweba osaziwayo labosopolitiki.

URasta kusabalale isithombe sakhe ephethe umdwebo owenziwe ngaye lokususe umsindo abantu bekhala ngokuthi uma ezidweba yena uzikhipha njengoba enjalo. Abantu abanengi bebesola uRasta ngokungabenzi ubulungiswa kosaziwayo bakuleli.

URasta izolo uvuke ememezela ukuthi lo mdwebo wakhe wenziwe ngelinye iciko, uThatayaone Ramolapong. Lo mdwebo uRasta uthe bekuyisipho njengoba ebegubha inyanga azalwa ngayo ehambela lezindawo ezahlukuneyo.

Yize kunjalo abantu basaqhubeka lokukhononda bethi noma lo mdwebo umuhle kodwa awumfanele uRasta ngoba ulendlela adweba ngayo abanye abantu, okumele laye adwetshwe ngayo.

“Ngicela umdwebe laye kukhona into engifuna ukuyibona,” kutsho uMJ Pilane.

“Bengazi akukwazi ukuthi yisandla sikaRasta lesi,” kutsho uBongani Mthembu.

“Udwetshwa kanje umuntu, awumcele akufundise,” kutsho uWandile Method.

“Ngazile lo mdwebo muhle kakhulu ukuthi kungaba umsebenzi kaRasta,” kutsho uTrinahr.

“Wena Rasta cela bakuphe amasu okwenza kahle,” kutsho uMphotleng Mahao.

Khona manjalo kukhalwa ngalo mdwebo nje bekuke kwakhalwa langoweSilo uMisuzulu kaZwelithini awukhiphe ngempelasonto. – Ubulembu

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds