URahman Gumbo usexotshiwe

06 Dec, 2022 - 18:12 0 Views
URahman Gumbo usexotshiwe URahman

uMthunywa

Nkosilathi Sibanda

UMQEQETSHI webhola wakuleli uRahman Gumbo usexotshiwe esikhundleni sokuba ngumqeqetshi weqembu leBotswana  iSua Flamingoes ngenxa yokwehluleka ukunqoba.

ISua Flamingoes iqale kubi isizini isezandleni zikaGumbo nanko seyanqoba umdlalo owodwa kuphela emidlalweni eyisithupha okuyikho okubangele ukuthi umqeqetshi lo axotshwe.

Kumbiko ovele kuqembu leSua Flamingoes lithe limfisela inhlanhla.

“ISua Flamongoes ithanda ukubikela bonke abasebenzelana layo ukuthi isiyehlukane lomqeqetshi uRahman Allen Gumbo,” kutsho umbiko lo.\

Loba iqembu lingabikanga ukuthi ngubani ozangena esikhundleni, abasiki bebunda kweleBotswan babike ukuthi kuzaqhatshwa uNikola Kavazovic oweSerbia.

UGumbo, owaziwa ngelithi “Rush” ngabangane bakhe ebholeni, ungene kuqembu le-Flamingoes evela qeqetsha iTelOne, iqembu lakuleli elake lazama ukuligiqa enkundleni zeCastle Lager.

Ekufikeni kwakhe, uGumbo kazange aphiwe umlandu onzima, ngaphandle kokuthi agcine leli iqembu lidlala kuligi ephezulu.

Umqeqetshi lo, oleminyaka yokuzalwa engu-57 sowake waqeqetsha iHighlanders, Caps United, FC Platinum, Chicken Inn lezinye kumaligi aseSouth Africa, Botswana laseMalawi.

Ibhola leBotswana kuminyaka edluleyo belandise ukudlalelwa linengi labadlali abaphuma eZimbabwe, ikakhulu abavela kumaqembu akumhlubulo ongezansi yelizwe.

 

 

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds