Uncategorized

UProfessor uzabe ekoBulawayo ngeSonto

23 Nov, 2023 - 00:11 0 Views
UProfessor uzabe ekoBulawayo ngeSonto uProfessor

uMthunywa

Ethel Ncube

AKUBIZWA ozwayo ngempelaviki eChiefs Village koNtuthu ziyathunqa ngempelaviki lapho okuzabe kulomhlabeleli weMzansi Afrika uProfessor ezovuthisa inkundla.

UProfessor uzaqala ngokutshaya eFilabusi ngoMgqibelo kuthi ngeSonto abuye azonyikinya idolobho lakoBulawayo.

Abaqoqi bomcimbi lo, abe 3D Events Management behlanganyele labeFilabusi ukubiza umhlabeleli lo olodumo eSouth Africa.

Kumcimbi yomibili uProfessor uzahlanganyela loMzistozz, Mfanafuthi kuthi abazancedisa ngomsindo weziginci Dj Uegy, Dj Skb, Dj Zet loWellyonz kuthi umphathi wohlelo kuzabe kuBabongile Sikhonjwa ehamba loJoe Tha Og.

Intatheli ikhulume lomsunguli we3D Events Management uMduduzi Mdlongwa obike ukuba amalungiselelo asezingeni eliphezulu.

“Amalungiselelo omcimbi lo asezingeni eliphezulu; lokhu siqhubeka silungiselela ukuza kukaProfessor eZimbabwe. Sesibhadele ukuba abuye azojabulisa umphakathi wakoGodlwayo labantu bakoBulawayo. 

“Uzaqala koGodlwayo lapho azahlabela khona abeselubhekisa koNtuthu. Konke kuhamba kahle akuluhlupho esesihlangane lalo,” kubika uMduduzi.

Uqhubekele phambili eveza ukuba abantu bonke abathanda i-Old Skool kumele babe lapho.

“Bonke abathanda umculo we-Old Skool kumele babe seChiefs village ngeSonto bezotshaywa ngumoya bekholisa umculo,” kuphetha uMduduzi.

Share This:

Sponsored Links