Uphefumula ngodaba lukaBilliat

29 Aug, 2019 - 00:08 0 Views
Uphefumula ngodaba lukaBilliat ULebohang Manyama

uMthunywa

UMDLALI weKaizer Chiefs uLebohang Manyama usephefumulile ngodaba oluthinta uKhama Billiat ofunwa njalo yiMamelodi Sundowns.

UBilliat (29) ufike eqenjini leChiefs ekuqaleni kwesizini ephelileyo ngemuva kokudlala leSundowns abenqobe layo isicoco seligi.

UBilliat ubengakadlali selokhu kuqale iligi, okuyinto eyethuse abalandeli beChiefs njengoba sekuqubuke imbiko yokuthi iSundowns ifuna ukumthenga ngemali elinganiselwa ku-R15 million, ngaphambi kokuvalwa kwewindi lokuthengiselana abadlali.

UManyama, osehlohle amabhola amabili kulisizini uphawule ngendlela iqembu elizizwa ngayo ngodaba lukaBilliat.

“UKhama Billiat ungumuntu omdala. Ungomunye wabadlali abasezingeni eliphezulu kuPSL. Kusengenzeka ukuthi emnyakeni olandelayo afunwe ngamanye amaqembu, yinto eyenzekala kubo bonke abadlali abasezingeni eliphakemeyo,” kuchaza uManyama.

“Ukhona uBilliat. Usebenza nzima kanye leqembu, kalandaba lehungahunga elithi uzaphenduka kuSundowns. Sihlezi sikhangele ukuthi abadlali abasezingeni lakhe bafunwe ngamathimu iminyaka ilandelana. Siyamsekela ngayo yonke indlela.

Siyamdinga uKhama. Uba ngumdlali obalulekileyo kunoma iliphi iqembu alidlalelayo.”

UBilliat uhlohle amabhola angu-9 waphinda waphakela abanye abadlali amabhola angu-10 ngesizini edluleyo okumenze waba yintandokazi kubalandeli beqembu. IChiefs ikhiphe umbiko kumaviki adluleyo igcizelela ukuthi amaqembu agaqele uBilliat awakhohlwe ngoba akayindawo.

UKhama, okubikwa kadlali ngenxa yokulimala kancane, kulindeleke ukuthi abuye emdlalweni weligi olandelayo. — Ubulembu

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds