uMthunywa
Intuba zegceke leZimbabwe International Trade Fair zivulwe lamuhla kuqala umbukiso walonyaka weZITF.
Ukusingathwa kombukiso walonyaka kube yimpumelelo enkulu yelizwe leZimbabwe, nanko phela uza ngesikhathi ilizwe lisanda kuvula umkhonomi welizwe kulandela ukuvinjwa kwabantu emakhaya ngenxa yobhubhane lweCovid-19.
Umbukiso walonyaka ukhangelelwe ukuvulwa okusemthethweni ngoLwesine nguMongameli welizwe uEmmerson Mngangagwa njalo lokhu kuzenziwa kulandelwa imithetho yokuvikela ukumemetheka komkhuhlane weCovid-19.
Phakathi kwezinye inhlelo ezikhangelelwe ukuqhutshwa kumbukiso walonyaka, kulomhlangano wabamabhizimusi iBusiness Conference, iZITF Innovators Forum, Inaugural ZITF Diplomats Forum, umbukiso wezokulima oweBulawayo Agricultural Show, iScholastica Conference, le-CZI/ZITF Indaba.
