Unxuswe kweleTanzania uDube

05 Jan, 2023 - 00:01 0 Views
Unxuswe kweleTanzania uDube Imbongi uObert Dube

uMthunywa

Ethel Ncube
IMBONGI yeVictoria Falls uObert Dube odume kakhulu kuleli unxuswe kweleTanzania ukuze ayohaya kanye lokufundisa ngezamasiko kunyanga ezayo.

UDube uzakube esiyakwenza lokhu adume ngakho kumcimbi obizwa ngokuthi Saudi Za Busara.

Ekhuluma loMthunywa uDube uchaze ukuba unxusiwe ujabule kakhulu ngokunxuswa eTanzania.

“Ngijabule kakhulu ngokunxuswa emcimbini omkhulu eTanzania lapho engiphiwe khona imisebenzi eminengi engizayenza etshiyeneyo.

“Abantu laba kukhanya umsebenzi wami bebewulandela bekhangela ukuba ngenza ngani ngoba ngiqale nganxuswa njengembongi ukuyabona ukuba bona benza njani kwezamasiko.

“Ngithe ngisathi yebo ngikuzwile lokhu ngezwa bethi sebefuna ngibe ngumqondisi womcimbi ngiphinde njalo ngifundise ngamasiko,” kubika uDube.

Uqhubekele phambili echaza ukuba uhambo lwakhe lolu uzafika abonakalise ubuzwe bakhe.

“Mina ngithanda ukuhamba ngigqoke ibhetshu eTanzania lakho ngizaligqoka ngoba yilo elitshengisa ubuzwe bami, angizifihli ukuthi ngingubani.

“Khonale njengoba ngizabe ngingumqondisi womcimbi bangicele ukuba ngihaye inkondlo yami ethi Mama Afrika ekhuluma ngeAfrika langempilo yamaAfrika. Ngithemba uhambo lwami luzangifundisa okunengi kwezamasiko,” kuphetha uDube.

Share This:

Sponsored Links

Survey


We value your opinion! Take a moment to complete our survey

This will close in 20 seconds