Unobhutshuzwayo ezikolo zeMatebeleland North

16 May, 2024 - 00:05 0 Views
Unobhutshuzwayo ezikolo  zeMatebeleland North

uMthunywa

Nkosilathi Sibanda

YISIKHATHI sethemu yesibili ezikolo njalo yikho lapho okuzaphinda ukuhlolwa ithalenta lebhola lenyawo kumincintiswano eqoqwa yiNational Association of Secondary School Heads (Nash).

Inhlanganiso le isikhiphe uluhlu lwekhalenda yemncintiswano yenguqu ezikolo zeMatabeleland North, eveza ukuthi kulesisabelo, imidlalo izaqala kusukela ngeviki elizayo.

Kuloluhlelo, umncintiswano wokuqala uzakubaphakathi kwamaqembu abadlali abaleminyaka engaphansi kwe-17 le-20 yokuzalwa, lapho imidlalo ekhangelelwe ukuqala mhlaka 24Nkwenkwezi eziqintini.

Netball Club

Kuhlelwe njalo ukuthi izikolo eziphumelele ukuyaphambili, zidibane kumidlalo yama-interdistricts mhlaka 14 Nhlangula, andubana intshantshu zesabelo ziyedlala eHarare kusukela mhlaka 20 kusiya ku21 Nhlangula.

Kuhlandla lama-Under 20 amaqembu ezikolo azadibana esabelweni seNkabazwe mhlaka 25-26 Ntulikazi.

Amaqembu abadlali abaleminyaka engaphansi kwe-15, azangena enkundleni mhlaka 7 Nhlangula kuze kuyefika emaphethelweni kuma-finals azaqhutshelwa esabelweni seMashonaland East mhlaka 18-20 Ntulikazi.

Umncintiswano omkhulu ezikolo oweNash Proton and Surrey U20 uzadlalwa ngoMpandula njalo imidlalo edibanisa intshantshu zezabelo ihlelwe ukudlalelwa esabelweni seManicaland.

Ekhuluma lentatheli yeZimpapers Sports Hub kuliviki, umphathi omkhulu oqhuba inhlelo zenguqu ezikolo kuNash, eMatabeleland North, uKhumbulani Sibanda uthe sebelinde ukuthi bahlanganise konke okufunekayo, ukuze baqalise imidlalo.

Share This:

Sponsored Links

Survey


We value your opinion! Take a moment to complete our survey

This will close in 20 seconds