INGCITSHI yebhola uPele ingcwatshwe emathuneni ayisitezi esikhangele inkundla eyamenza waba lodumo.
Amathuna la aphakathi kwezakhiwo eziphakemeyo njalo lapho okulezihlahla njalo. Ngokutsho kwe-Guinness Book of World Records, iyindawo yokungcwaba ephakeme kulazo zonke emhlabeni elezitezi ezingu-14.
Siyafika isidumbu sikamuyi uPele endlini yakhe yokucina
Ibhokisi lakhe lithwelwe ladluliswa eSantos eBrazil kubukele inkulungwane zabantu abakade begcwele ezitaladeni bevalelisa umdlali lo owanqoba inkezo yomhlaba amahlandla amathathu.
Lapha okuzabekwa khona umuyi uPele
UPele, owahlohla amabhola angaphezulu kwe-1 000 wedlule emhlabeni mhlaka 29 Mpalakazi, eleminyaka engu-82 ngemva kokugula imvukuzane.
Isidumbu sakhe sifakwe ebhokisini elivuliweyo phakathi kwenkundla yeVila Belmiro Stadium edolobheni laseBrazil ngoMvulo.
Indodana kaPele u-Edinho layo ibiyingxenye yalabo abathwale ibhokisi likababakhe walifaka enkundleni yaseSantos, lapho umgadli wodumo edlale khona iminyaka engu-18.