Uncategorized

‘Umuthi wemali awuvumi ukuthi enze ucansi’

12 Sep, 2019 - 00:09 0 Views
‘Umuthi wemali  awuvumi ukuthi enze ucansi’

uMthunywa

Gladmore Ncube

KULOMAKOROKOZA weMaphisa okucatshangelwa ukuba sowadela ucansi ngoba umuthi wakhe wokwenza imali kawuvumi ukuthi alwenze.
UThembani Ncube lomkakhe uNkosazana Sandra Chiweshe kubikwa kabasezwani ngenxa yokusilela koluju lwemvelo emzini wabo.

Ekhuluma loMthunywa uNkosazana Chiweshe uthe usekhathele ngokuhlala lomkakhe angani ngumuntu lomnewabo.

“Engakusukela ngekhaya yikuthi ngangifuna umngane kodwa umkami kabusuthisi lobo bungane.

“Ubudlelwano bethu kayisibo bomuntu lomkakhe, kungathi ngobokuthi nje siphile ndawonye kodwa singahlangani emacansini,” kutsho uNkszn Chiweshe.

Uthe nxa ebuza umkakhe ukuthi kungani engafuni ukumthinta uhle ahwabhe athi kukhona yini akuswelayo emzini wabo.

“Nxa ngimbuza ukuthi kungani engangithinti uphendula esithi kuyini engikuswelayo okungenza ngimkhathaze. Impendulo yakhe le yiyo engenza ngize ngicabangele ukuthi imali esilayo ingabe ingeyomuthi ngoba ngeke umuntu wesilisa ahlale lowesifazane engafuni ukumthinta.

“Angali, abantwabami ungigcinele, kodwa ngeke ngiphile angathi sengiyisalukazi mina indoda ngilayo njalo igazi lisagijima,” kuveza uNkszn Chiweshe.

Intatheli ixoxisane lomunye umngane kaNkszn Chiweshe oveze ukuthi umngane wakhe wamethulela ubunzima aphakathi kwabo emzini wakhe.

“USandra wangibikela ukuthi umkakhe uNcube kakaze amthinte lokhu wamthathayo, useze ecabangela ukuthi mhlawumbe wadinga umuthi wemali ongabe uyiwo omenqabela ukuthi ahlangane lomkakhe.

USandra usesemncane njalo imizwa ilakho ukucina imkhulela enze ihlazo. Aluba bayaxoxisana ngodaba lolu ngoba yiwo umuzi kodwa uhlupho yikuthi uNcube kukhanya nxa kungathi kuyakhulunywa ngalo uvele abuze umkakhe ukuthi kuyini angelakho akufunayo,” kutsho lumngane.

Intatheli ikhulumisane loMnu Ncube othe kuliqiniso ukuthi kulokungezwani phakathi kwakhe lomkakhe kodwa kungamanga ukuthi imali yakhe ngeyomuthi.

“Ngilenyanga ezingaba litshumi ngithethe uSandra njalo sihlala sixabana ngendaba yocansi. Uhlala esithi kungani ngingafuni ukumthinta kodwa iqiniso yikuthi izikhathi ezinengi ngiyabe ngikhathele ngoba ngisebenza nzima nxa ngisemsebenzini.

“Ayisikho ukuthi imali yami ngeyomuthi kodwa ngingacabanga imali angifikelwa yimizwa yocansi ngoba mina ngokwami luyangidina.

“Okungidanisayo yikuthi uyakhala etshela abantu ukuthi mina imali yami ngeyomuthi yikho ngingahlangani laye kodwa uyasutha kanye labantwabakhe ngibagcinile okungathandabuzwayo.

“Akulandaba, angaze ahambe ekhuluma kubi ngami ngizacina ngimtshiya enjalo labantwabakhe, yikho lapho azabona khona ukuthi impilo kayisilo cansi lodwa,” kutsho uMnu Ncube.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds