uMthunywa
Ethel Ncube
ZISELE zibulawa zimbambo izakhamizi zeChipale eBinga kulandela ukuzwa ngenye indoda lomkayo abalwe kwaba luthuli kubangwa ucezu lokuqala lwesinkwa.
UMnumzana John Shumba kubikwa uvale umkakhe, uShelyn Mudimba ngempama ngeviki ephelileyo ngoba emphuce ucezu lokuqala lwesinkwa.
Ekhuluma lentatheli kaMthunywa omunye wabahlali bakule indawo uNkosazana Lisa Nleya uveze ukuba indoda le iyisihwaba yikho nje ize yatshaya umkayo kubangwa isinkwa.
“Ngathi ngisiyavakatshela uMaMudimba ngamthola isihlathi sivuvukile wasengilandisela ukuthi utshaywe ngumkakhe ngoba uthole ucezu lokuqala lwesinkwa lungekho.
“Lokhu kuyayangisa sibili amanye amadoda afuna isitshwala yena ukhalela isinkwa inzima sibili lindoda,” kutsho uNkszn Nleya.
Intatheli ibuye yaxhumana lesinye isakhamuzi uNkosazana Silindeni Dube ochaze ukuba uShumba uvele uyisihwaba.
Ekhuluma loMthunywa uNkszn Mudimba uthe waxabana lomkakhe bebanga ucezu lwesinkwa.
“Ubaba wathetha kakhulu ukuthi kungani ngingamphanga ucezu lwesinkwa lwakuqala kodwa-ke uhlupho yikuthi umntwana wayevele esesidlile lesosinkwa,” kutsho uNkszn Mudimba.
UMthunywa ukhulumisane loMnu Shumba owatshaya umkakhe kubangwa ukudla.
“Okutshelileyo kakuchazelanga kuhle, mina ngabuza kuphela ngesinkwa njalo asocala ukubuza ngesilayisi osithandayo,” kuphetha uMnu Mudimba.
